O obxectivo da xuntanza pasa por ultimar os detalles das xornadas técnicas e dos encontro empresariais.
González Barcia agarda que a décimo quinta edición deste evento sexa un éxito.
Burela, 11 de abril de 2013. O comité organizador da XV Feira Náutico Pesqueira Expomar mantivo un encontro esta tarde para ultimar os detalles das xornadas técnicas e dos encontros empresariais. O alcalde, José Mª González Barcia, agarda que o evento, que se celebrará do 23 ao 26 de maio, sexa un éxito.
O rexedor dixo que “practicamente está ultimado todo o programa, os expositores están todos confirmados, hai representación institucional da Xunta de Galicia a través da Consellería do Medio Rural e do Mar, estará Portos do Estado e é probable que tamén estea presente Portos de Galicia. En Burela estarán representados eses días aqueles aspectos máis importantes e máis dinámicos da actividade náutico pesqueira”.
González Barcia entende que “na xuntanza desta tarde contamos ultimar o programa das xornadas técnicas e dos encontros empresariais, salvo pequenos flecos, e tamén estamos a preparar os distintos actos de presentación de Expomar que queremos facer. O primeiro e máis importante será en Santiago de Compostela, contaremos case con seguridade coa presenza da conselleira Rosa Quintana, e barallamos as datas do 24 ou 25 deste mes para facer esta presentación dentro de aproximadamente quince días. Case con total seguridade terá por escenario a galería Sargadelos”.
O alcalde de Burela engadiu que “a partires de aquí entramos na recta final confiando en que a feira resulte un éxito de expositores, que haxa un bo nivel de transaccións comerciais e que as xornadas técnicas e os encontros profesionais sirvan para poñer enriba da mesa aqueles aspectos que máis preocupan ao sector náutico pesqueiro, non só os problemas senón tamén aportar solucións para os mesmos, aínda que algúns temas son recorrentes ano tras ano”.
José Mª González Barcia agradece publicamente “a colaboración de todas as administracións e entidades que están presentes no padroado da Fundación Expomar polas súas aportacións, a colaboración daquelas persoas que aínda sendo alleas a estas administracións ou empresas nos aportan os seus coñecementos e a súa experiencia. Confiemos en que todo discorra con absoluta normalidade, é dicir que discorra ben”.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
