LUGO, 3 DE DECEMBRO DE 2014.- O Ministerio de Fomento vén de recoñecer, en resposta á pregunta parlamentaria formulada pola deputada no Congreso –Margarita Pérez Herraiz- que ten preto do 60% do orzamento de 2014 destinado á conservación e seguridade vial das infraestruturas da provincia sen executar. Concretamente, o departamento estatal precisa, no documento remitido á socialista, que tan só se investiron 6.026.443 euros dos 14.513.500 presupostados, é dicir, o 41,42%.
Trátase, pois, segundo subliña Herraiz, dunha porcentaxe “demasiado elevada”, que demostra “a falla de compromiso con Lugo do Goberno de Rajoy, pois suponse que todos temos a obriga de defender os intereses e as necesidades da provincia, así como a de reclamar aos dirixentes que cumpran os compromisos asumidos”.
Neste senso, considera que “isto é unha mostra máis de que Lugo é a gran esquecida polo Executivo Central”. “Xa o dixemos no seu momento, cando analizamos os Orzamentos, e agora resulta que é o propio Goberno o que nos dá a razón. Son datos que nos facilita o propio Ministerio, por tanto, non é unha fantasía dos socialistas. Os Presupostos son un documento en papel, polo que se non se executan de nada serven. Quedan niso, nun simple documento e nun simple papel”.
A este respecto, critica que o Ministerio non especificase na resposta emitida a qué destinou o investimento indicado nin o grado de execución das actuacións acometidas. “O único que fixeron foi totalizar a inversión, sumando as dúas partidas, pero o que eu lles preguntaba era tamén que foi o que fixeron e en que situación se atopa. Non entendemos a que se debe esta falla de información. Está claro que detrás hai unha clara intención de evitar a resposta”, afirma.
Infraestruturas que precisan ser melloradas
Por este motivo, a deputada socialista esixe ao Goberno que cumpra e execute o que compromete, sobre todo, porque “é coñecedor de que a provincia conta con infraestruturas importantes para o seu desenvolvemento, que son de titularidade estatal, e que precisan ser melloradas”.
É o caso, indica, da N-540 que comunica Lugo con Ourense; N-640, que discorre por municipios da Terra Chá como o de Pol, e no que recentemente se rexistraron algúns accidentes; N-642, que comunica varios concellos da Mariña; N-642 entre Lugo e Castro de Rei, e na que o treito situado á altura de Viladonga está notablemente deteriorado; N-634 entre Abadín e Mondoñedo; N-VI de O Corgo ata Guitiriz; a estrada que vai de Monforte a Chantada, na que se fixeron rebacheos, pero o que cómpre é unha capa xeral, especialmente na zona de Belesar; ou a ponte de Saamasas, que dá servizo aos viaxeiros que se dirixen a Santiago e Ourense. Concretamente, esta non só non filtra correctamente a auga, senón que o estado do pavimento e da pintura tamén dificulta a circulación dos vehículos.
“Son infraestruturas importantísimas, pero que nunca estiveron tan mal dende o ano 1985. E isto débese ao forte deterioro e falla de mantemento que acumulan dende 2011”. A este respecto, advirte e lamenta que “esta situación non vai mellorar nin a corto nin a longo prazo, debido a que o orzamento destinado para estas dúas finalidades en 2015 non só non se incrementa senón que diminúe preto do 20%”. En 2014, o Goberno destinou á conservación 9.204.740 euros e, en 2015, 8.782.970 euros; “é dicir, que o Executivo reduciu en case medio millón de euros esta investimento”. Polo que respecta á seguridade vial, esta diminución “é moito máis significativa”. Dos 5.308.760 euros presupostados este ano pásase a 3.593.790 no vindeiro exercicio. Por tanto, neste caso, a rebaixa supera o 1,7 millóns de euros, o 33% do consignado na anualidade en curso.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
