Bruxelas, 03 Decembro 2014. Co obxectivo de discutir varios aspectos do proxecto de novo regulamento relativo á produción ecolóxica e etiquetaxe de produtos ecolóxicos da Comisión Europea, a Comisión de Agricultura e Desenvolvemento Rural do Parlamento Europeo realizou hoxe unha audiencia pública baixo o título “O regulamento relativo á produción ecolóxica e etiquetaxe dos produtos ecolóxicos”. A eurodeputada de Alternativa Galega de Esquerda en Europa (AGEe) Lídia Senra, na súa responsabilidade como Coordinadora do GUE/NGL para a Comisión de Agricultura, apostou por convidar como experta á labrega Elia Rodríguez Álvarez, con máis de vinte anos de experiencia na produción ecolóxica na Galiza e, na actualidade, representante do Sindicato Labrego Galego no Consello Regulador de Produción Ecolóxica (CRAEGA).
Na súa intervención, a labrega Elia Rodríguez -que destacou entre todas as persoas expertas convidadas por achegar ao auditorio un discurso sincero e apegado á realidade-, deu boa conta do posicionamento das labregas e labregos que realizan o seu traballo cunha clara conciencia do valor social que ten a produción alimentar. En relación ás intervencións de expertos e deputados que sinalaban que un maior control da produción ecolóxica implicaría o encarecemento da mesma, Elia fixou firmemente a súa posición: “O consumo ecolóxico vai en aumento, polo que deberiamos incrementar a nosa capacidade de producir este tipo de alimentos, pero eu non quero producir para unha elite, senón para todo o mundo, e para iso precisamos ter máis apoio das institucións, para poder dar alimentación sa a toda a poboación”.
E. Rodríguez defendeu tamén a necesidade de camiñar cara unha agricultura sostíbel, “unha explotación ecolóxica mellora as calidades de vida do campesiñado, do medioambiente, crea postos de traballo e fixa poboación no medio rural”, abondou avogando pola necesidade dun “mundo rural vivo” que, ademais, “grazas ao establecemento dun maior número de labregas e labregos contribuiría a parar os lumes”. “As explotacións ecolóxicas crean paisaxe e ‘paisanaxe’ “, resumiu.
En relación á valoración solicitada pola Comisión con respecto á afección das importacións de produtos ecolóxicos no territorio comunitario, demandou “os límites para estas importacións teñen que ser os mesmos que hai na UE”, ademais “non debería ser tan difícil facer este controles, xa que as exportacións non veñen de kilo en kilo”, engadiu con retranca.
Elia denunciou tamén as dificultades para conseguir sementes ecolóxicas na Galiza e no Estado, “é difícil atopalas certificadas, hai que pedilas a outros países da UE, e temos o problema de que non están adaptadas ao noso territorio”, por iso, insistiu “eu aposto porque se permita o intercambio de sementes entre labregas e labregos.” Ademais, en relación á contaminación dos produtos, aseverou con contundencia “os cultivos transxénicos deberían estar totalmente prohibidos na UE se queremos unha agricultura sa”.
En relación á grande carga burocrática á que se enfrontan diariamente as explotacións, Elia denunciou que, na actualidade, tanto na Galiza como no Estado “somos as produtoras as que temos que pagar a certificación, incrementándose polo tanto os custos de produción. Eu penso que isto deberíano facer as institucións, a certificación debería de ser un servizo público”. E, en relación a este aspecto, “as pequenas explotacións terían que ser certificadas coma un todo, independente de que teñan animais e horta”.
Pola súa banda, a eurodeputada de AGEe Lidia Senra, valorou “moi positivamente” a participación dunha labrega galega neste foro, xa que “aportou a súa experiencia directa, as reivindicacións e dificultades das pequenas e medianas explotacións”. E, en relación á proposta de modificación do regulamento de produción e etiquetaxe dos produtos ecolóxicos da Comisión Europea sinalou “a agricultura ecolóxica vai moito máis alá do que é podermos acceder a alimentos sans, xa que temos que ter en conta que supón tamén unha ferramenta fundamental para loitar contra o cambio climático, polo que dende AGEe consideramos que a través desta normativa débese favorecer ás producións labregas para os mercados locais e de proximidade”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
