Barreiros, 30 de xaneiro de 2015. El Refugio Tapería O Castro, de Barreiros, reabrirá as súas instalacións, logo das vacacións do persoal, este domingo, 1 de febreiro, e estará a disposición dos seus clientes durante os fins de semana (de venres a domingo) ata o 31 de maio. Durante a Semana Santa e a partir do un de xuño abrirá todos os días.
Para celebrar o Día dos Namorados, desde o venres 13 ao domingo 15 de febreiro, El Refugio Tapería O Castro ten preparada unha oferta moi especial, que inclúe cea, aloxamento e almorzo por 100 euros parella. E tamén é posible ir unicamente a cear o menú especial San Valentín cun prezo de 50 euros por parella. Está composto por suspiros de benvida con copa de cava, mousse de bogavante, cestiñas de ensalada da horta templada, medallóns de solombo en salsa de mango e curry, sobremesa especial San Valentín, sorbete de froita da paixón, viños Albariño e Rioja, café e licores. É necesario reservar previamente ata o día 12, xoves, e pode facerse chamando aos teléfonos 982.124.150 ou 652.055.703 e tamén a través do correo electrónico taperiaocastro@gmail.com.
En El Refugio Tapería O Castro a planta baixa está dedicada a cervexería, cafetería e restaurante, que ten unha terraza cuberta con espectaculares vistas ao mar. En total conta con capacidade para 180 comensais e os pratos da súa ampla carta que teñen máis aceptación entre os seus clientes son as tostas variadas, os chipiróns encebolados, o polbo en varias preparacións e os pasteis de bogavante e de cabracho. Todos os venres ofrece tapas especiais diferentes e ademais acolle distintos eventos á longo do ano, como actuacións musicais ou xornadas gastronómicas, entre outros.
O propietario do establecemento, Pablo García López, explicou que organiza diferentes actividades “para dar a conocer nuestras instalaciones y lo que ofrecemos, tanto a los vecinos de la comarca como a quienes visitan esta zona desde lugares muy diversos, que cada vez son más”.
O espazo destinado a aloxamento foi inaugurado en xullo do pasado ano 2014. Dispón de habitacións individuais, dobres e triplos, todas elas decoradas con espectaculares fotos da Costa lucense e que contan con terraza privada, ducha de hidromasaxe e aire acondicionado, entre outros servizos. Tamén ten unha suite, dotada con bañeira de hidromasaxe, dúas terrazas (unha con vistas ao mar e outra á montaña) e cama king size. Para acceder ao hotel dispón de ascensor e nas inmediacións do establecemento hai unha ampla zona para aparcamento.
El Refugio Tapería O Castro está situado en primeira liña de praia, concretamente en pleno paseo marítimo do areal de Fontela-Valea, formidable praia da parroquia de Benquerencia que nos últimos anos resultou galardoada coa bandeira azul todos os veráns.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
