Ribadeo, 1 de abril de 2015. Todo está listo en Ribadeo para recibir aos milleiros de persoas que se achegarán ao concello durante esta Semana Santa. O punto de información das Catedrais abre desde este mércores ata domingo en horario de 12.00 a 14.00 horas e de 16.00 a 18.00 horas. A oficina de turismo da vila atenderá aos visitantes de 10.00 a 14.00 horas e de 16.00 a 19.00 horas. O alcalde, Fernando Suárez, agarda que esta Semana Santa sexa tan boa coma a pasada.
O rexedor dixo que “estamos con todo preparado desde o Concello de Ribadeo esperando a visita ao noso municipio de milleiros de persoas de Galicia, do Estado e, como non, doutras latitudes, sobre todo europeas, para estes días de vacacións de Semana Santa, onde Ribadeo é un punto de visita obrigada. Así o está sendo nos últimos anos, desde un punto de vista masivo, e confiamos en que esta Semana Santa sexa polo menos tan boa como foi a do ano pasado e a do anterior”.
Suárez Barcia subliñou que “para iso xa temos un reforzo no punto de información turística das Catedrais, que abrimos con este motivo, non soamente no verán senón que agora desde Semana Santa queda aberto e logo durante todos os fins de semana ata o verán tamén vai estar operativo. Ademais temos máis persoal para reforzar a oficina de información turística da vila, porque as persoas que veñen pedir información sobre que facer, que ver, onde comer, onde durmir cada ano afortunadamente son máis”. O punto de información das Catedrais abre desde hoxe ata domingo en horario de 12 a 14 horas e de 16 a 18 horas. A oficina de turismo da vila atenderá aos visitantes de 10 a 14 horas e de 16 a 19 horas. Despois ata as 20 horas o persoal desta oficina prestará atención aos peregrinos que estes días dormen no albergue ribadense.
O alcalde engadiu que “aparte deste reforzo de persoal en turismo que estamos facendo desde o Concello tamén fixemos un reforzo especial en medio ambiente para ter o mellor posible a nosa vila, as nosas rúas, os nosos espazos públicos”.
Desde o Concello sinalan que o punto de información das Catedrais abrirá ata o verán os sábados, os domingos e tamén os festivos.
Fernando Suárez Barcia tamén se referiu ao encontro que mantivo nas últimas horas no Concello con representantes de Iberia: “e ademais todo este traballo que nos tomamos moi en serio hai varios anos, cando pretendemos e desde aquela estamos intentando poñer a Ribadeo no mundo como un lugar de visita recomendada e obrigada, agora podemos dicir que estamos avanzando nestas liñas que trazamos en Fitur este mesmo ano, hai dous meses aproximadamente, e xa no día de onte tivemos xuntanzas con representantes da compañía aérea Iberia, tanto en Galicia como en Asturias, para favorecer determinados eventos ao longo do ano. O obxectivo é que por parte de Iberia poidan facer tarifas especiais e ao mesmo tempo ir logrando unha atracción, xa que temos unha das praias máis internacionais do mundo, como é a das Catedrais, queremos facer un binomio das catedrais: por unha parte a feita pola man do home, que está en Santiago de Compostela, e pola outra, a construída pola natureza, que está aquí, en Ribadeo”.
O rexedor indicou que “quedounos moi boa sensación despois desta xuntanza coas representantes comerciais de Iberia e seguiremos traballando nesta liña porque Ribadeo o merece, polo seu patrimonio, polo seu casco vello, pola praia das Catedrais, polo comercio, pola hostalaría e porque ademais estou convencido de que nesta Semana Santa todo este sector servizos marabilloso que temos en Ribadeo vai esforzarse a tope, vai dar o mellor de si para que toda esta xente que veña a Ribadeo nestes días acaben sendo uns bos embaixadores do noso concello e que falen por aí moi ben de nós, para que no verán veñan eles e moitos máis”.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
