A MARIÑA .- Até o vindeiro 30 de setembro está aberto o prazo de inscrición para a actividade “Olladas de mulleres, visións desde A Mariña”, organizada polo Observatorio da Mariña pola Igualdade co obxectivo de contribuír ao empoderamento das mulleres a través da fotografía. A actividade, que se desenvolverá a partir do mes de outubro en colaboración cos concellos de Barreiros, Burela, Mondoñedo e Riotorto, presentouse esta mañá nunha rolda de prensa celebrada na Casa das Letras de Ribadeo, e na que participaron membras do Observatorio e representantes de todos os Concellos colaboradores: Ademais das intervencións de Olga Castro, vicepresidenta da asociación, e Carolina García, secretaria, tamén participaron na rolda de prensa Neves Cando López, tenenta de alcalde e concelleira de Igualdade do Concello de Burela; Adela Rodríguez Fernández, concelleira de Asuntos Sociais de Barreiros; Orlando González Cruz, alcalde e concelleiro de Igualdade de Mondoñedo e Sandra Acebrás Dopacio, concelleira de Medio Rural de Riotorto.
Desde o Observatorio amosaron o seu agradecemento aos concellos colaboradores na realización da actividade, e indicaron que como parte do acordo de colaboración, na inscrición terán preferencia as mulleres censadas nestes concellos así como as socias do Observatorio, estas últimas independentemente da localidade na que residan. O procedemento para anotarse difire segundo o concello no que se desexe realizar a actividade. Así, en Burela e Mondoñedo as inscricións realizaranse no Centro de Información ás Mulleres, cuxos teléfonos de contacto son respectivamente 982580609 (Burela) e 982521369 (Mondoñedo). En Barreiros as inscricións deben realizarse no Centro Municipal de Información Xuvenil (982124106), e en Riotorto chamando aos teléfonos 629028702 ou 663617406. O custe da actividade é de 10 euros para aquelas mulleres que non sexan socias do Observatorio, e no momento da inscrición as participantes deben indicar se posúen cámara fotográfica dixital propia, xa que o Observatorio conta cun número moi limitados de cámaras para emprestar. O número de prazas está limitado a 15 mulleres en cada localidade.
Como tamén indicaron na rolda, a actividade “OLLADAS DE MULLERES, VISIÓNS DESDE A MARIÑA” consta de tres partes. A primeira consiste nun obradoiro de fotografía dixital, impartido polas fotógrafas mariñás Marián García Mesa e Lucía Valea. Neste obradoiro abordarase a historia da fotografía desde unha perspectiva de xénero repasando as contribucións de fotógrafas internacionais e galegas, cuestións técnicas da fotografía dixital e diferenzas coa analóxica, formación de imaxe, toma fotográfica, diferentes motivos fotográficos, presentación de imaxe para publicación, o retoque de imaxes antigas, o proceso práctica de descarga e almacenamento de imaxes en ordenador, o tratamento de imaxes con programas de ordenador, etc. Nas diferentes localidades, os cursos terán lugar nas seguintes datas:
► BURELA: os venres a partir do 2 de outubro, en horario de 16 a 19 horas (durante 6 venres)
► MONDOÑEDO: os sábados a partir do 3 de outubro, en horario de 10 a 13 horas (durante 6 sábados)
► RIOTORTO: os sábados a partir do 3 de outubro, en horario de 16 a 18 horas (durante 9 sábados)
► BARREIROS: os luns a partir do 19 de outubro, en horario de 17 a 19 horas (durante 9 luns)
[No caso de Barreiros, o prazo de inscrición manterase aberto até o día 15 de outubro]
A segunda parte de OLLADAS DE MULLERES consiste nun período de exercicio individual no que as mulleres porán en práctica os coñecementos adquiridos fotografando a súa realidade cotiá, fomentando deste xeito a realización de actividades participativas para as mulleres que valorizan o seu papel na sociedade. Logo deste período poranse en común todas as fotografías realizadas por todas as participantes, quen decidirán de forma participativa cales son as mellores fotografías de cada unha. Con estas fotografías seleccionadas darase paso á terceira parte da actividade, consistente na realización dunha exposición fotográfica en cada concello. Posteriormente, o colofón da actividade será unha exposición final conxunta, de forma que así se poidan apreciar as realidades cotiás tan distintas que arrodean as experiencias vitais das mariñás de concellos costeiros como Barreiros ou Burela, e de concellos do interior como Riotorto ou Mondoñedo.
Para calquera dúbida ou aclaración, o Observatorio da Mariña pola Igualdade pon a disposición das interesadas o teléfono 663617406 e o correo electrónico observatorioigualdade@gmail.com
Segundo indicaron ao longo da rolda da prensa, a actividade “OLLADAS DE MULLERES. VISIÓNS DESDE A MARIÑA” xorde como continuación dunha primeira iniciativa semellante impulsada tamén polo Observatorio da Mariña pola Igualdade en colaboración cos concellos de Ribadeo, Vilar de Santos e a Illa de Arousa no ano 2007. Co título de “Olladas de Muller, lapis de homes”, a actividade concluíra cunha exposición no Museo Verbum de Vigo. Posteriormente, a exposición viaxara até o Forte de San Damián ribadense do 2 ao 14 de xullo de 2008, onde se puideron ver as imaxes das 36 mulleres participantes impresas sobre sabas penduradas dun tendal con pinzas de roupa, acompañadas de comentarios realizados por lapis de homes. (Para máis información véxase http://www.vieiros.com/nova/65287/olladas-de-muller-e-lapis-de-home).
Dada a boa acollida da actividade, como asociación de ámbito comarcal, desde o Observatorio da Mariña pola Igualdade indicaron a súa intención de contribuír a consolidar un proxecto participativo coma este no que as mulleres son as protagonistas e quen toman as decisións.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
