Con motivo do aniversario da proclamación da II República celebrarase unha cea no restaurante Costa Verde o venres 15 de abril ás 22.00 horas a modo de reunión con espírito republicano. É necesario apuntarse no propio restaurante ou chamando ao 982 130 305.
ÚLTIMA HORA
- O PSdeG-PSOE de Viveiro agradece o traballo do dispositivo de emerxencias e a colaboración da veciñanza ante a alerta na traída de auga
- Inauguración este venres en RegalXunqueira da exposición “Acuaño”, pinturas en acuarela de Ricardo Aller de Dios
- Comeza en Barreiros o congreso científico Paisaxes alimentarias: territorios sustentables, con investigadoras de España, Portugal, Brasil e México
- Publicada no Diario Oficial de Galicia a aprobación definitiva do Plan Básico Municipal de Alfoz
- Inauguración este venres en RegalXunqueira da exposición “Acuaño”, pinturas en acuarela de Ricardo Aller de Dios
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo. - Un numeroso grupo de persoas sumouse esta fin de semana á Andaina Solidaria da Mariña organizda pola UPA de Viveiro
Entre os participantes destacou a presenza do Excmo. Sr. Bispo de Mondoñedo Ferrol D. Fernando García Cadiñanos. Tamén participaron membros de Cáritas diocesana de Ferrol. O camiño foi un descubrimento para moitos, con paraxes diferente nos seus 7 Km de percorrido. - O Club Morgan visita Mondoñedo
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal. - A Pomba do Arco organiza o venres 27 de xuño, ás 20:30, na Casa da Cultura Poeta Manuel María de Foz unha palestra de Sami Ashour sobre o xenocidio israelí en Palestina
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí. - Xogando a reciclar
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente. - O conselleiro do Mar, Alfonso Villares, dimite após unha denuncia por agresión sexual
Foille notificada polo Tribunal Superior de Xustiza de Galicia. O cervense, que declarouse "absolutamente inocente", anunciou a súa decisión ao Presidente Rueda. A denunciante sería unha popular presentadora de TV ferrolá. - Xa se coñecen as gañadoras do XV Certame fotográfico Cervo Repecta
1º. Banco de Loiba. De Diego Pérez Dopico. 56 puntos. 2º Bolboretas: sementadoras de vida. De Germán Paleo Navarro. 47 puntos. TOP CERVO Ruínas. De Consuelo Fra Fernández. 36 puntos. En total participaron 26 instantáneas. Desde o Concello agradecen a participación neste certame consolidado que é tamén unha chamada á reflexión, por captar e compartir a súa ollada neses momentos que reflicten o respecto, a beleza e tamén os retos que afronta a noso medio ambiente; ao tempo que nos permiten coñecer o seu traballo a través da súa óptica, e tamén descubrir lugares e situacións únicas, como sempre fan edición tras edición nesta iniciativa que “naceu para poñer en valor a nosa contorna natural e fomentar unha conciencia máis respectuosa co medio".
2021 Crónica 3 A Mariña - Implementado por GaliciaDigital