Seguramente sempre o foi, un acto de rebeldía, o acto de ler. Hoxe falamos de como o é neste tempo, hoxe en día.
Ler, ler un libro no formato que sexa, unha obra de narrativa, poesía, teatro ou ensaio, require de nós dedicación exclusiva; mentres lemos dedicamos toda a nosa atención á lectura, só facemos unha cousa, ler —hoxe en día iso é un acto de rebeldía. Normalmente lemos por pracer ou por curiosidade, ou por ámbalas dúas cousas á vez, sen perseguir ningún outro resultado inmediato que o de gozar e de aprender cousas case sempre inútiles no sentido práctico —iso hoxe en día é un acto de rebeldía. Ler crea un espazo íntimo, supón estar sos nós e o libro, sen atender a chamadas, pitidos dos móbiles, mensaxes das redes sociais, avisos de correos, só nós vivindo en solitario as emocións e pensamentos que a lectura nos provoca —isto hoxe en día é un acto de rebeldía. Ao ler non podemos reaccionar de xeito inmediato cunha acción, non podemos premer un botón no libro e mandar ao ar mediático as nosas impresións, pensamentos, cabreos ou contentos, non queda outra que roelos, amasalos na cachola, darlles voltas, e logo, se queremos, buscar o xeito de compartilos, unha vez madurados —isto hoxe en día é un acto de rebeldía. Ao ler podemos achegarnos a pensadores e creadoras que non fan ruído mediático, que non nos asaltan nas redes nada máis abrir os nosos aparellos tecnolóxicos, que non nos aparvan con mensaxes trillados, que non nos queren máis tontas, podemos mesmo achegarnos a escritoras e escritores que hai moitos anos ou moitos séculos que deixaron a súa excelente mensaxe que hoxe aínda é tan nova coma no momento de ser escrita —isto hoxe en día é un acto de rebeldía.
Se ademais lemos en formato papel a rebeldía é case extrema, porque nos aferramos ao físico, ao tacto, ao olor, á cor non cambiante nin cambiable, ao negro sobre branco, nun mundo que nos leva coma unha grande e fortísima corrente cara ao virtual, a todo tipo de accións e transaccións mediatizadas por un aparello. Aferrámonos á pobre e infinitamente suxestiva materia.
O día 23 de abril celébrase en todo o mundo o día do libro.
Rebelémonos pois, e leamos.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
