Lugo, 8 de maio de 2017. O Presidente da Deputación, Darío Campos Conde, xunto ao Presidente de ASPNAIS, José Reigosa, e aos 2 monitores da asociación, Mónica Seijas e Pablo Castro, participaron esta mañá na recepción dos 5 medallistas lucenses que competiron nos Special Olympics de Inverno, celebrados en Austria o pasado mes de marzo. Os deportistas, que son usuarios de ASPNAIS, participaron nas probas de esquí alpino e de raquetas de neve e obtiveron un total de 9 medallas, de xeito que resultaron premiados en todas as probas.
Campos Conde felicitou os deportistas polos éxitos colleitados na competición e destacou o feito de que os únicos participantes de Galicia nestes xogos de inverno sexan de Lugo, “o que demostra o bo facer de ASPNAIS no eido deportivo”. Ademais, remarcou “a importancia de eventos como os Special Olympics para promover a integración a través do deporte e a necesidade de que os éxitos deportivos das persoas con discapacidade intelectual tamén reciban visibilidade”.
Os xogos de inverno do Special Olympics reuniron en Austria o pasado mes de marzo a 2.700 deportistas de 107 países e a 1.100 adestradores. ASPNAIS leva dende o ano 1997 participando nas probas de ski e de raquetas deste evento, xa que entre as actividades que ofrece aos usuarios lucenses figura un programa de práctica de deportes de neve. É o único colectivo de Galicia que lles ofrece ás persoas con discapacidade intelectual cursos de esquí.
O grupo deportivo que ASPNAIS desprazou a Austria estivo formado por unha muller e catro homes, de idades comprendidas entre os 39 e os 53 anos. Dous deles competiron en esquí alpino e os 3 restantes, en raquetas. Cada un deles participou en dúas probas e todos obtiveron medallas.
Colaboración con ASPNAIS
O Goberno da Deputación apoia a labor de ASPNAIS a través de diferentes vías de colaboración. O Executivo provincial cedeulle as instalacións do antigo hospital San José a este colectivo sen ánimo de lucro, para que poida utilizalo como sede. O novo espazo, que actualmente se atopa en obras, permitiralle a ASPNAIS atender a 300 persoas con capacidades diferentes de toda a provincia.
Ademais, por iniciativa do Goberno Provincial, a Deputación utiliza como obsequios institucionais pezas de artesanía elaboradas polos usuarios de ASPNAIS. Isto é posible grazas ao convenio asinado polo Goberno da Deputación con ASPNAIS para adquirir as primeiras 825 pezas-obsequio por 18.000 euros.
ASPNAIS tamén recibiu o ano pasado unha contribución de 5.000 euros do Goberno provincial para o desenvolvemento de diferentes programas de atención aos usuarios, unha axuda que se renovará neste ano.
Colaboración con Special Olympics
Special Olympics é unha organización internacional sen ánimo de lucro, fundanda finais dos anos sesenta, para promover a integración social das persoas con discapacidade intelectual a través do Deporte. O Goberno da Deputación colabora coas actividades de Special Olympics Galicia cunha subvención anual de 8.000 euros.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
