Lugo, 16 de agosto de 2017.- O delegado territorial da Xunta en Lugo, José Manuel Balseiro, confirmou que Augas de Galicia levará a cabo nos vindeiros meses -ata finais de ano- labores de limpeza en oito ríos da Mariña.
O delegado desprazouse ata Mondoñedo para supervisar os labores que se realizan no Masma, e explicou que neste momento están en marcha tarefas de conservación en 4,5 quilómetros deste río, distribuídos en oito treitos correspondentes aos concellos de Mondoñedo, Lourenzá e Barreiros.
Os traballos consisten na retirada de árbores e ramas caídas acumuladas no leito do río así como restos vexetais mortos. “O obxectivo -sinalou Balseiro- é manter o cauce no mellor estado dende o punto de vista medioambiental e de conservación da fauna piscícola, evitando ademais que a acumulación de vexetación poida causar desbordamentos en época de choivas”.
Igualmente, segundo avanzou o delegado, están previstas labores de limpeza nos ríos Landro, Ouro, Loureiro,Xunco, Queixoiro, As Nogueiras e Guilán, nos concellos de Viveiro, Alfoz, Cervo, Xove e Ribadeo.
Así, tan pronto rematen en Mondoñedo, os traballos continuarán en Lourenzá e Viveiro. Dáse a circunstancia de que todos os ríos que xestiona Augas de Galicia na provincia están na comarca da Mariña -son os que desembocan no mar Cantábrico-.
Balseiro amosou a súa satisfacción “ante esta actuación, moi demandada na comarca, e que amosa que a Xunta actúa con sensibilidade respondendo aos requirimentos da cidadanía e tamén ás necesidades de conservación medioambiental dos ríos”.
De feito, engadiu, dende o ano 2010 o Goberno autonómico leva investido, a través de Augas de Galicia, 759.500 euros en actuacións de conservación fluvial na Mariña, boa parte deles destinados a labores de limpeza de ríos, retirando sedimentos, desbrozando as marxes ou realizando cortas selectivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
