Ribadeo, 4 de decembro de 2017. A concelleira de Servizos Sociosanitarios, Sonia Meilán Vizoso, e o Programa de Prevención de Drogodependencias e outros trastornos aditivos, están a organizar unha táboa redonda sobre o acoso escolar, na que participarán relatores e relatoras expertos no tema.
Segundo explica a responsable do programa Mónica Fernández Lamparte “esta actividade celebrarase o mércores, 13 de decembro, ás 20:00 horas no salón de actos da Casa do Mar e vai dirixido especialmente a familias (todo o alumnado ribadense recibirá unha carta para entregar na casa) e tamén a calquera persoa interesada. A entrada é de balde”.
Nesa carta enviada ao alumnado ribadense sublíñase que “o acoso escolar ou bullying é un problema global que afecta a todos os países, e que se da principalmente entre os 12 e os 16 anos. Esta situación estase agravando nos últimos anos debido tamén ao maior acceso á tecnoloxía por parte dos menores, o que está propiciando unha nova modalidade de acoso, denominada ciberbullying ou ciberacoso, onde existe un maior sentimento de impunidade por parte do agresor/a”. E engaden nesa comunicación que “varias persoas coñecedoras do tema nos explicarán cómo detectalo e cómo afrontalo, ademais de falar sobre todas as partes implicadas nun proceso deste tipo: acosado-a, acosador-a, observadores, familias, a escola…”.
Os relatores e relatoras que participarán na táboa redonda en Ribadeo serán:
-Octavio Susacasa. Mestre e Psicopedadogo. Asociación Aseduc.
-Olga Alvite. Pedagoga. Coordinadora Delegación Lugo Fundación Meniños.
-Fernando Villar e Ramón Peña, formadores da Garda Civil. Plan Director para a convivencia e a mellora da seguridade nos centros educativos e os seus contornos.
En Ribadeo celebrarase unha táboa redonda sobre o acoso escolar. Será o 13 de decembro. Está organizada pola concellaría de servizos sociosanitarios e polo programa de prevención de drogodependencias e outros trastornos aditivos
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
