Ribadeo, 19 de marzo de 2018. Xa se coñecen as gañadoras e o gañador do VIII Concurso Fotográfico do Día do Pai, que convocou Acisa co eslogan O amor por un pai non ten prezo, pero si premio.
A foto que recibiu máis votos a través do Facebook de Acisa Ribadeo foi a titulada Desafiando al destino, de Manuel Solís, que recibirá 200 euros en vales de compra para gastar nos establecementos asociados.
E o xurado entre as 20 fotos máis votadas no Facebook elixiu as tres gañadoras. O primeiro premio, dotado con 150 euros en vales de compra foi para Érase unha vez, de Lucía Arias; o segundo premio, que recibirá 100 euros en vales de compra, foi para Un orgullo ser tu reflejo, de Cristina Losas; e o terceiro premio, dotado con 50 euros en vales de compra, foi para Xogos no Cargadoiro, de Lucía González. Tod@s @s premiados recibirán os seus agasallos nas vindeiras horas.
O xurado do VIII Concurso Fotográfico do Día do Pai estivo formado por representantes de Foto Miguel y ElFarero Audiovisuales, como expertos na materia e socios de Acisa, así como David Martínez, Emma Álvarez e Ramón Loredo, presidente, secretaria e vocal en funcións de Acisa Ribadeo, ademais do xerente, Jesús Pérez.
O VIII Concurso Fotográfico do Día do Pai desenvolveuse do 2 ao 18 de marzo e pechouse con 5.061 votos emitidos e 88 participantes. Desde Acisa amósanse satisfeitos: “xa que contamos co dobre de fotos que o ano pasado e cun 25% de incremento nos votos emitidos a través de Facebook. Trátase dunha campaña que xa está consolidada e que está a funcionar moi ben. Foi difícil elixir as fotos gañadoras deste 2018, de feito a votación do xurado estivo moi reñida”. E engaden que “calquera persoa que queira consultar algún dato sobre este concurso, pode dirixirse ás oficinas de Acisa, onde atoparán todos os datos das votacións”.
Xa se coñecen as fotos gañadoras do VIII Concurso Fotográfico do día do pai, no que Acisa Ribadeo reparte 500 euros en vales de compra para gastar nos establecementos asociados. Foron 88 os participantes e máis de 5.000 os votos emitidos en facebook
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
