Ribadeo, 18 de abril de 2018. Remataron esta semana os obradoiros sobre VIH/SIDA destinados aos alumnos/as do IES Dionisio Gamallo de Ribadeo que se levaron a cabo durante os meses de marzo e abril.
Esta actividade desenvolveuse coa colaboración da Asociación Socioeducativa para la Educación (ASEDUC), e nela participaron alumn@s de 3º de ESO do IES de Ribadeo Dionisio Gamallo. Celebráronse catro sesións ao longo dos meses de marzo e abril cun total de 61 alumnos e alumnas distribuídos en tres grupos.
Ademais nos meses de xaneiro e febreiro leváronse a cabo estes obradoiros no CEIP Porta da Auga con 22 alumnos/as de Formación Profesional Básica. Estas actuacións enmárcanse dentro do programa Infórmate…perde o medo.
A responsable do programa Prevención de Drogodependencias e outros Trastornos Aditivos, Mónica Fernández Lamparte, salientou que “queremos agradecer a ASEDUC, e a todo o seu persoal, o gran traballo que estivo e está a desenvolver con nós. ASEDUC é unha asociación multidisciplinar formada por grandes profesionais de diversas áreas de educación, psicoloxía, traballo social, educación social e enfermaría, que ten a súa sede en Oleiros (A Coruña)”.
ÚLTIMA HORA
- Ribadeo reforza a loita contra o acoso escolar co programa KiVa e unha carreira colaborativa con 350 estudantes
- Viveiro celebra a “Festa do Comercio” cunha Extra de Verán de 1.200 €
- A Praza de España, de Ribadeo, foi escenario este sábado dunha actividade de spinning dirixida
- A Garda Real izará as bandeiras no novo espazo oficial xunto á Casa do Concello de Ribadeo
- A Praza de España, de Ribadeo, foi escenario este sábado dunha actividade de spinning dirixida
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”. - Catuxa Salom na Conservera de Viveiro
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick. - O conselleiro de Cultura, José López Campos, e a deputada Iria Castro participaron este venres na XXXV Festa da Filloa de Muimenta, unha celebración declarada de Interese Turístico de Galicia que encheu o recinto feiral Manuel Vila ao longo da xornada
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira. - O Deputado de Medio Ambiente, Carlos López, participou este venres xunto ao Alcalde da Pontenova, Darío Campos, na 46 edición da Festa da Troita
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez. - Ata este domingo celébrase O Festival da Ostra de Castropol
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba. - O Instituto de Estudos Chairegos (IESCHA), coa colaboración do Concello de Vilalba, organiza o acto de presentación do libro Memorias dun porco teixo, de Xosé Manuel Felpeto Carballeira, publicado pola Editorial Tris Tram
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba. - A Vicepresidencia da Deputación apoia a participación do Castro FSF na fase final da Copa da Raíña de Fútbol Sala, que se disputa esta fin de semana en Móstoles
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
2021 Crónica 3 A Mariña - Implementado por GaliciaDigital