Foz, 19 de outubro de 2018. O Concello de Foz vén de adxudicar provisionalmente a obra de cambio de alumeado do campo de fútbol de Malates. Esta actuación suporá unha rebaixa considerable no consumo eléctrico e, sobre todo, unha grande mellora na calidade lumínica.
O alcalde, Javier Jorge Castiñeira, anunciou hoxe que “foi adxudicada a obra de cambio de alumeado do campo de fútbol de Malates. É unha obra moi demandada por todos os usuarios do campo de fútbol posto que o alumeado existente é deficiente. É necesaria para poder usar con total normalidade estas instalacións e, aproveitando os fondos que lle tocan ao Concello de Foz do Plan Único, da Deputación, o equipo de goberno decidiu financiar con ese fondo esta obra, que é importante”.
Javier Jorge Castiñeira explica que “a obra foi adxudicada provisionalmente á empresa Aneumled, que é de Zaragoza e foi a que mellor oferta presentou. En total son 24 proxectores, repartidos nas catro torretas xa existentes, en LED, o que vai rebaixar moito o consumo eléctrico, pero sobre todo vai mellorar con moito a capacidade lumínica e as condicións para poder adestrar e usar de noite estas instalacións”.
O rexedor engade que “en poucas semanas empezarán os traballos. Esperemos que estean o antes posible dispoñibles as instalacións para todos os usuarios, porque son moitos os que utilizan o campo de fútbol de Malates”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
