Lugo, 26 de outubro de 2018.- O vindeiro luns darán comezo na Mariña tres obradoiros de emprego que se desenvolverán en oito municipios. En concreto, iníciase o obradoiro Ribadeo no Camiño, tamén o de Sendas de Burela, Cervo e Xove, e Serra da Cadeira, que comparten Barreiros, Lourenzá, Mondoñedo e Trabada.
O delegado territorial da Xunta en Lugo, José Manuel Balseiro, subliñou que estas iniciativas supoñen a contratación de 73 persoas, das que 60 son alumnos traballadores que recibirán formación teórica e práctica que lles permita obter un certificado de profesionalidade en especialidades con boas expectativas no mercado de traballo. O resto de contratos son para persoal de dirección, administración e monitores.
Balseiro sinalou que a Consellería de Economía, Emprego e Industria realiza un investimento de case 886.000 euros nestes proxectos. Cada un deles recibe unha achega de 288.800 euros; ademais, Cervo, Xove e Burela optaron por un obradoiro dual polo que reciben outros 19.500 euros para incentivar a contratación laboral de trece alumnos e alumnas en empresas da zona.
A modalidade dual é a principal novidade desta convocatoria e fai posible que os participantes combinen o contrato de formación e aprendizaxe no obradoiro durante nove meses coa posibilidade dun contrato posterior nunha empresa de polo menos tres meses máis.
Esta será a quinta edición do obradoiro de Sendas. Conta con seis alumnos traballadores en Xove na especialidade de Operacións auxiliares de revestimentos continuos en construción, que traballarán no acondicionamento de diversos espazos públicos, como os centros sociais do Monte, Lago, Sumoas, Portocelo e Rigueira, ou o pavillón municipal, o colexio público de Palmeiro, o campo de fútbol, e o mobiliario urbano e a sinalización de diversas rúas.
Cervo e Burela teñen sete alumnos cada un na especialidade de Actividades auxiliares en viveiros, xardíns e centros de xardinería, que traballarán no mantemento e adecuación de parques e zonas verdes.
Proxectos
O obradoiro Serra da Cadeira, que igualmente chega á súa quinta edición, está centrado nas especialidades de Instalación de elementos de carpintería e Actividades auxiliares en conservación e mellora de montes.
En Lourenzá hai seis alumnos que acondicionarán distintos espazos verdes e tamén arranxarán os elementos de madeira dos parques infantís do municipio e o peche da parcela no centro de día, entre outros labores.
Os seis alumnos de Barreiros realizarán obras de mantemento e conservación do albergue de Gondán. Trabada conta con catro alumnos que traballarán, entre outros cometidos, no mantemento da ruta do Camiño de Santiago no municipio e na restauración ambiental das concas dos regos Vidal, Vilaformán a a desembocadura de San Martiño.
Pola súa banda, os catro alumnos do Concello de Mondoñedo tamén realizarán traballos de mantemento no Camiño de Santiago e construirán unha varanda madeira para a Ponte do Pasatempo, entre outros obxectivos.
Tamén está centrado na mellora da ruta Xacobea o obradoiro Ribadeo no Camiño, con 10 alumnos na especialidade de Instalación e mantemento de xardíns e zonas verdes e outros tantos na de Dinamización, programación e desenvolvemento de accións culturais.
Durante estes días estanse a poñer en marcha a totalidade dos 20 obradoiros previstos na provincia de Lugo, dous deles para menores de 30 anos -ambos xa iniciados, en Lugo e Ribadeo-. En total, involucran a 50 concellos, supoñen un investimento da Xunta de 5,5 millóns de euros e suman 472 contratacións.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
