Flores Solidarias da Asociación de Axuda ó Enfermo Mental “A Mariña”

A Mariña 26-10-18. Hoxe a ilusión para os usuarios dos Centros de Rehabilitación Psicosocial e Laboral de “A Mariña” e a Unidade Residencial ubicada en Cervo, palpábase en cada recuncho.
Chegou o momento que todos estábamos esperando, a entrega das flores que cultivamos con tanto cariño durante este ano nos nosos invernadoiros.
Foi un dos resultados dos Obradoiros de Agricultura e Floricultura Ecolóxica impartidos pola nosa apreciada monitora, Sonia Marcos Prieto, quen con delicadeza e moita paciencia foi inculcando en todos os participantes un amor incondicional polas plantas.
Estes invernadoiros foron subvencionados íntegramente pola Excma. Diputación de Lugo, a principios de ano. Aínda que tamén temos que destacar a axuda do Concello de Cervo para parte da preparación do terreo. Entre todos fixemos equipo ¡!
Entre outros cultivos plantamos flores. Ademáis de aprender o seu cultivo e coidados quixemos que os nosos usuarios deran un paso máis e propuxémonos a venda, para que puideran ver a utilidade e froito do seu esforzo , traballo e formación.
Neste senso, a Directora Técnica Xeral de “A Mariña”, María José Nóvoa, agradece a colaboración á Floristería Alecrín que nos axudou no proceso de venda, comprando as nosas flores e facendo partícipes en todo momento aos nosos usuarios, ademáis de a toda a comunidade, xa que parte da flor tamén é adquirida pola Unidade Pastoral Cervo-Burela.
Todo isto fixo posible que hoxe viviran unha nova experiencia, viran a utilidade do seu traballo e se sentiran moi valorados, o que repercute nun aumento da autoestima de todos eles e por suposto nunha consecuente mellora da calidade de vida.
Hoxe mesmo, no momento da entrega das flores, Fernando explicou o seu traballo na floristería a tódolos asistentes e emocionounos co cultivo, colorido e doce recendo de toda a súa mercadoría .

Dende “A Mariña”, desexamos que estas flores os acompañen estos días xa que representan o esforzo e cariño dos nosos usuarios e que mellor maneira de amosar os sentimentos que cunha flor solidaria!!