Veciños de Alfoz participan nunha charla sobre seguridade vial organizada pola Xefatura provincial de Tráfico e o Concello

Alfoz, 26 de outubro de 2018.- A subdelegación do Goberno, a través da Xefatura Provincial de Tráfico, e o Concello de Alfoz manteñen unha estreita colaboración na realización de campañas de formación en materia de seguridade vial. Hoxe mesmo celebrouse, no Centro Sociocultural de Alfoz, unha charla destinada a maiores deste concello e que contou coa participación do alcalde, Jorge Val.

O novo Xefe provincial de Tráfico, Ángel Álvarez, e a coordinadora provincial de Educación Vial, Sara Fuenteseca, foron os encargados de explicarlles aos veciños cales son os comportamentos que deben evitar tanto peóns como automovilistas e os riscos que plantexan os malos hábitos ao volante.

Na charla, os responsables de Tráfico fixeron fincapé nas consecuencias que teñen as distraccións e na fraxilidade dos peóns, polo que destacaron a importancia de facer uso de elementos como chalecos e elementos reflectantes que axudan á visibilidade. Asimesmo, incidiron na necesidade de usar o cinto de seguridade.

Outro aspecto sobre o que trataron foi o de cómo se debe circular polas rotondas, xa que este é un dos aspectos que máis dúbidas acostuma xenerar aos condutores.

Ao acto, que forma parte da programación de Educación Vial que desenvolve na provincia a Xefatura de Tráfico, asistiron veciños con idades comprendidas entre 55 e 80 anos.