Lugo, 21 de outubro de 2018. O Presidente da Deputación e Alcalde da Pontenova, Darío Campos Conde, e o Tenente de Alcalde, Francisco Martínez Bermúdez, presentaron este mércores a XII Feira de Artesanía e Antigüidades da Pontenova que se celebrará do 6 ao 9 de decembro. Trátase dunha cita que debido ao interese que esperta, pois espéranse superar os 8.000 visitantes, se ampliou, engadindo un día máis de mostras. O horario é de 11:00 a 14:00 horas e de 16:00 a 21:00 horas. Este evento conta cunha colaboración de Deputación e Concello de 12.000 euros.
O Presidente explicou que “esta Feira é unha das citas máis importantes para o Concello pois a grande número de persoas que participan dela, unhas 8.000, convértea nunha oportunidade de dinamización para a economía local. Ademais tamén é unha gran oportunidade de pór en valor os oficios tradicionais, que se mesturan con novidades do ámbito da artesanía e deseño, o que axuda a protexer o patrimonio etnográfico da Provincia”.
Martínez Bermúdez destacou que nesta ocasión participarán 30 anticuarios, de todo o territorio do estado e de Europa, así como 30 artesáns de diferentes puntos de España e que ofrecerán unha gran variedade de produtos: barro, madeira, cestería, complementos en tea, xoias ou coiro. O tenente Alcalde explicou que “todos os anos a feira ten máis solicitudes que espazos dispoñibles, polo que é necesario deixar postos en lista de espera”.
Obradoiros, motos e mostra
Este ano, as actividades compleméntanse coa III xuntanza de Vespas, motos e coches clásicos. Ademais, poderase visitar a mostra dedicada aos zoqueiros e galocheiros de Lugo. Impulsada polo Goberno da Deputación é unha homenaxe a estes artesáns que tiveron tanta importancia na Provincia e que reúne pezas e ferramentas de 24 concellos, retratos de antigos zoqueiros e un audiovisual que mostra o proceso de realización das zocas por parte dun mestre artesá. Haberá tamén demostracións ao vivo de diferentes oficios tradicionais de zoqueiro, cestería en vimbio, navallas, tear triangular, madeira, cestería, coiro, e pirogravado.
Menú “Especial Feira”
Campos Conde agradeceu “ao comercio local, a hostalaría e aos colectivos da Pontenova que en colaboración co concello, fan posible que esta Feira sexa un éxito” unha destas iniciativas é a oferta do menú “Especial Feira” cun prezo de 15 euros que se poderá gozar nos restaurantes San Briz, O Lar de Balbina, A Mina. Tamén estará presente a Pulpería Esther de Monterroso.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
