ÚLTIMA HORA
- 3 medallas de ouro e 1 de bronce para o C.D. Egovarros nos campionatos galegos de 10km en ruta e de pista ó aire libre
- O IES de Foz gaña o 2º premio do V Certame de Podcasts en galego e portugués ‘Xosé Mosquera Pérez, o Vello dos Contos’
- Coa ofrenda floral á Virxe do Carme deste martes remataron as festas patronais de Burela
- Alumnado do colexio Sagrado Corazón asistiu aos obradoiros de elaboración de queixos, que organiza o Concello de Ribadeo
- O XIII Concurso Fotográfico de medio ambiente "Cervo Respecta" xa ten gañador@s
Primeiro Premio: Fernando Fra Rico, San Ciprián (Cervo), coa fotografía titulada "O Camiño das Estrelas" (55 puntos). Segundo Premio: María Fernández Cabaleiro, Xixón (Asturias) , coa fotografía titulada "Triste Legado" (54 puntos). Premio Top Cervo: Fernando Fra Rico, San Cibrao (Cervo), coa fotografía titulada "O Camiño dás Estrelas" (55 puntos), ao ser a fotografía do Concello de Cervo con maior puntuación. En total, foron 41 as instantáneas que participaron neste concurso convocado con motivo do Día Mundial do Medio Ambiente. - A irmandade de Mulleres da Santa Cruz prepara os tapices florais para a Festividade do Corpus de Viveiro
Realizaranse na Praza Maior onde se fai a Bendición do Santísimo a todos os presentes; na Igrexa de Santa Maria, de onde parte a Procesión; na Igrexa de San Francisco, onde se entra como parte do percorrido procesional. Convídase a todos os voluntarios que queiran colaborar, cortando o verde no taller previsto na Casa dos Mestres, é moi importante que se sumen a esta tarefa pois fai falta man de obra, o horario é das 16h en diante. Tamén poden axudar levando a súa e cortándoa en casa. E por suposto para elaborar os deseños feitos con sal tinguido, as flores etc. que será o sábado día 10, a partir das 20h. De antemán, a Irmandade da Santa Cruz dá as grazas a todos os que fan posible coa súa axuda o seguir con este labor que se vén realizando desde hai 20 anos. - Ducias de persoas reuníronse na Praza do 8 de Marzo, en Ribadeo, para amosar a súa repulsa polo asasinato machista de Ana Vanessa Serén Penas, cometido esta fin de semana na localidade pontevedresa de Oia
O Concello de Ribadeo sumouse á convocatoria realizada polo Observatorio da Mariña pola Igualdade. As súas representantes deron lectura a un comunicado. Tamén desplegaron unha pancarta na que se podía ler: "Defendamos a igualdade. Fronte á violencia machista, loita feminista". - Cervo celebra o Día do Medio Ambiente
Saiuse á praia co alumnado do CEIP Península da Paz, e realizouse unha limpeza da Caosa, unha iniciativa de concienciación sobre a importancia de manter os nosos espazos naturais libres de refugallos, tal e como sinalou a edil de Medio Ambiente en funcións, Mali Méndez, que coordinou a actividade didáctica. - Tres persoas feridas no Vicedo
Unha colisión frontal entre dous vehículos saldouse con tres persoas feridas, entre elas unha muller embarazada. O accidente produciuse á altura da parroquia de San Miguel de Negradas, ás 17:30 horas deste domingo. A partir de aí, desde o 112 Galicia, tras recibir o aviso a través dunha persoa particular, púxose a situación en coñecemento de Urxencias Sanitarias de Galicia-061, da Garda Civil de Tráfico e dos voluntarios de Protección Civil do Vicedo. - Este sábado presentouse no Museo do Pobo Galego, en Santiago de Compostela, o libro de Antón Niñe "Xosé Rivas e fillos, familia de escultores", editado pola Xunta de Confrarías da Semana Santa de Viveiro
A presentación estivo moi concorrida estando presentes entre o público familiares, que agradeceron o recoñecemento á figura do escultor. Asistiron o Presidente da Xunta de Confrarías José Veiga e o Vicepresidente José Luis Couceiro. Interviñeron en mesa o Director do Museo, o autor e o Presidente da Xunta de Confrarías. - Os servizos de emerxencia localizan o corpo sen vida dunha muller que desaparecera en Cospeito
O achado produciuse na lagoa de Cospeito. Ata alí acudiron os Bombeiros de Vilalba, que recuperaron o corpo. O 112 Galicia tivo coñecemento da desaparición da muller ás 23:30 horas da pasada noite, a través dos axentes da Garda Civil. A partir de aí, activouse un operativo, coordinado pola Garda Civil, no que tamén interviñeron membros do Servizo Municipal de Protección Civil de Vilalba e os voluntarios de Protección Civil de Meira.
2021 Crónica 3 A Mariña - Implementado por GaliciaDigital