Hai moita xente bondadosa no mundo. Haina con moi bos sentimentos e mellores intencións. Tamén hai moitos que queren impor os seus bos sentimentos. Impor os seus gustos, ata impor os seus ritos. Hai quen quere que digamos, que escribamos, pensemos, cantemos ou comamos o que lles gusta a eles. E fano polo noso ben. Por iso de cando en vez quítannos algúns xoguetes. E algunhas diversións. Polo noso ben, para reeducarnos. Para que non sigamos polo camiño equivocado. Unhas veces fano desde votacións parlamentarias. Outras fano por outros métodos máis expeditivos e cabróns.
Non terei tempo de acudir a algunha corrida en Barcelona. Non confundir con o dos “corre bous” que esa si é legal, pero igual de tortura para os touros que a outra. E tan querida por algúns que loitan contra os malos tratos dos animais. Non están sós. Ao seu lado están os bos. Tamén unha que estivo moi boa e agora é outra cousa, a recordada Brigitte Bardot. Ai! Se Serge Gainsbourg levantase a cabeza. A Bardot ,tamén moi preocupada por outros animais, está moi contenta co civilizado adianto da prohibición dos touros. Ela, que tanto nos gustou, ata cando usaba peles e non estaba espida, agora está próxima a Le Penn ¡que cousas!- aos da esquerda e dereita catalá. Contra os touros vivirán mellor.
Tamén están moi contentos os da loita contra a tortura aos animais, os vexetarianos, os zen e outros colectivos da xente boa, pero boa, boa, que nos quere librar dos nosos lastres de primitivismo e brutalidade. Síntome maior, pero aínda conservo a memoria de bastantes cousas e xentes..
Estou repasando esa obra mestra sobre a música do século XX que se chama “O ruído eterno” de Axel Ross. Alí atópome estas liñas falando do pracer dun verán en Bayreuth, máis ou menos nestas datas pero antes da gran catástrofe, antes das matanzas, da solución final, da barbarie. Todo era plácido entre o líder en ascenso e os habituais de Bayreuth., un plácido e culto estilo de vida, así o conta Ross:
“Hitler absorbeu rapidamente o estilo de vida de Bayreuth: vexetarianismo, activismo a favor do dereito dos animais, escarceos co budismo e a sabedoría hindú”
Era moi simpático, moi humano e con espírito reformador. Os herdeiros de Wagner, sen que Richard tivese a culpa desas amizades, estaban encantados con ese sensible político. Despois pensou que tiña que intervir nas músicas, as artes plásticas, as comidas e as diversións dun pobo, dun mundo…Pero esa é outra historia. El tampouco aprobaría esa barbaridade pública e notoria que é unha corrida de touros.
Otero Regal
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Unha actividade marcada polo deporte, o compañeirismo e o bo ambiente. Na categoría Sub-12, os equipos gañadores foron Xove Fútbol Praia, Viveiro Celtic e Sanci FC; en Sub-15, Cachupa, Wachines e Encueradores; en Sub-17, Hamburguesas FC, EnlaDepor e Wachines; e na categoría Sénior, Hamburguesas, La Org e Motototo. As medallas foron entregadas pola alcaldesa de Cervo, Dolores García Caramés, quen felicitou os equipos e agradeceu a participación das persoas inscritas, das familias, do público e dos colaboradores, destacando que fixeron posible unhas noites de fútbol praia inesquecibles. A programación deportiva continuará a semana do 20 de xullo coa celebración do torneo de Fútbol 3x3.
O músico ofrecerá un repaso polos clásicos de Dire Straits, Eric Clapton, Pink Floyd, Lou Reed, Bruce Springsteen, Bob Dylan, Joaquín Sabina e moitos máis, nunha xornada dedicada á música e á historia do local. Esta será a primeira das actividades que se irán anunciando con motivo do 25 aniversario, cunha cita marcada para o 12 de xullo, no propio Rincón de Mondoñedo.
Con ela pechouse a celebración das festas de Santa Isabel que, un ano máis, foi todo un éxito.
As persoas interesadas poderán presentar a súa solicitude ao longo desta semana nas oficinas municipais do Concello de Trabada. O alcalde de Trabada, Rubén García, explica que “desde o Concello queremos dar a máxima difusión a esta convocatoria para que todas as persoas interesadas poidan presentar a súa solicitude e formar parte desta bolsa de emprego”. Desde o Concello animan a todas as persoas interesadas a presentar a súa solicitude dentro do prazo establecido, co obxectivo de garantir a correcta cobertura deste servizo municipal durante o período vacacional.
Puxo en valor a importancia deste tipo de eventos para contribuír á preservación dos traballos gandeiros tradicionais. Cómpre salientar que esta festividade está recoñecida como Festa de Interese Turístico de Galicia. Ademais, nesta ocasión, a conselleira foi nomeada Monteira Maior, unha distinción honorífica outorgada pola Comunidade de Montes de Buio e Lerín, organizadora do evento, ás persoas que colaboraron con eles ou os apoiaron. Gómez trasladou o seu agradecemento por esta mención e reafirmou o seu compromiso co sector agrogandeiro, un piar fundamental para o desenvolvemento do noso rural.
