NOTA DE PRENSA
O Grupo Parlamentario Popular rexistrará unha emenda para que os 351.880 euros consignados en 2011 como “reformas diversas” especifiquen o seu destino para “a mellora e ampliación dos servizos centrais do centro hospitalario mariñán”
OS ORZAMENTOS DA XUNTA CONTEMPLARÁN EXPRESAMENTE A AMPLIACIÓN DOS SERVIZOS CENTRAIS DO HOSPITAL DA COSTA
* Os populares esperan que deste xeito se disipen todas as dúbidas que interesadamente están a sementar PSOE e BNG sobre esta cuestión e, no día de onte, tamén o alcalde de Burela.
* As obras previstas para o 2011, segundo explicou o deputado popular Jose Manuel Balseiro, serán a ampliación dos servizos centrais e o laboratorio, remodelación e ampliación de urxencias, melloras estruturais no servizo de radioloxía e no servizo de admisión.
* As contas autonómicas inclúen tamén 175.000 euros para melloras en equipamentos e aparataxe de diagnose, e 361.836 euros para outras melloras tecnolóxicas a través da empresa pública Galaria.
A Mariña, 11 de novembro de 2010.- Os orzamentos da Xunta de Galicia para 2011 contemplarán expresamente o inicio das obras de ampliación dos servizos centrais do Hospital da Costa. Así o deu a coñecer no día de hoxe o deputado Jose Manuel Balseiro quen explicou que o Grupo Parlamentario Popular rexistrará unha emenda aclaratoria ás contas autonómicas para que os 351.880 euros que hoxe aparecen consignados como “reformas varias” especifiquen agora a que están destinados, isto é, “á mellora e ampliación dos servizos centrais do centro hospitalario mariñán”
O deputado popular mantén, como xa dixeron nas pasadas semanas, que coas obras previstas para o 2011 dá inicio a ampliación do Hospital da Costa. Máis en concreto a Consellería de Sanidade comezará pola ampliación dos servizos centrais e o laboratorio, procederá á remodelación e ampliación de urxencias e executará melloras estruturais no servizo de radioloxía e no servizo de admisión. Deste xeito espera se disipen todas as dúbidas que interesadamente están a sementar PSOE e BNG sobre esta cuestión e, no día de onte, tamén o alcalde de Burela.
RESOLVER DÚBIDAS INTERESADAS
Non é a primeira vez que desde as antigas forzas do bipartito cuestionan o compromiso do Goberno que preside Feijoó co hospital. Primeiro acusaron falsamente á Xunta de ter intención de desmantelalo, cando o certo é que gañaba en máis competencias e servizos. Despois o propio Alfredo Llano indicou que desaparecería o servizo de atención psiquiátrica nos xeriátricos, feito desmentido tamén de xeito oficial e polos populares. E agora parece facer o mesmo respecto das obras de ampliación, “cando o certo é que durante a pasada lexislatura non fixeron nada, salvo a marquesina no aparcadoiro da resonancia móbil. PSOE e BNG foron incapaces de executar os cartos que consignaban para obras, mentres que a Xunta popular está a desenvolver a reforma da área de maternidade, a da rampla de acceso e cuberta… e compromete agora o inicio da ampliación estrutural do hospital para 2011”
COMPROMISO ORZAMENTARIO CO HOSPITAL
Balseiro tamén indiciou que o compromiso orzamentario co Hospital da Costa mantense, a pesar dos momentos de dificultade económica, de feito explicou que o centro mariñán manexará un orzamento superior aos 37 millóns de euros aos que hai que engadir outras partidas específicas que tamén contemplan as contas autonómicas elaboradas polo Partido Popular. Estas son 175.000 euros para melloras en equipamentos e aparataxe de diagnose, e 361.836 euros máis para outras melloras tecnolóxicas a través da empresa pública Galaria.
COMPROMISO DE GOBERNO
O deputado popular agradeceu os esforzos que neste ámbito está a desenvolver a xerencia do centro, -quen ofreceu a información sobre as obras a desenvolver- e, finalmente, a modo de conclusión sinalou que a Xunta xestionada polo Partido Popular vai a levar adiante a ampliación dos servizos centrais do hospital “que outros prometeron pero que non fixeron nada. Un compromiso de Goberno, e un compromiso coa mellora dos sistema sanitario na Mariña lucense
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
