Nota de prensa:
RAQUEL ARIAS DESTACA QUE A PROVINCIA REXISTROU UNHA SUBIDA DE CASE O 32% NO NÚMERO DE VIAXEIROS CON RESPECTO AO XACOBEO DO 2004
* Os datos relativos ao período xaneiro-outubro revelan tamén un aumento da media de pernoitas e da porcentaxe de ocupación de prazas hoteleiras no territorio lucense
Lugo, 6 de decembro de 2010.- A provincia de Lugo superou este ano nun 31,7% o volume de turistas recibidos durante o anterior Ano Santo, o Xacobeo 2004, e incrementou igualmente o índice de pernoitas nun 28,6%. Cabe sinalar que os datos refírense aos rexistros en hoteis e pensións, polo que non se inclúen os peregrinos que utilizaron os albergues.
A delegada territorial da Xunta, Raquel Arias, valorou os datos de ocupación hoteleira de Lugo, segundo os cales entre os meses de xaneiro e outubro viaxaron á nosa provincia 538.268 turistas, que acumularon un número de pernoitas de 854.400, o que deixa a estadía media no 1,59.
Arias sinalou que a conxuntura hoteleira amosa “unha dinámica moi positiva por canto se incrementan tamén os niveis de demanda respecto ao ano pasado, en concreto nun 16,9% o volume de viaxeiros e nun 14,3% as pernoitas nos hoteis e pensións”. Tamén as cifras de ocupación do sector arroxan datos positivos, xa que medra en case 3,5 puntos porcentuais situándose o nivel medio de ocupación de prazas hoteleiras no conxunto do ano en 30,67%.
A delegada territorial atribúe en boa medida o incremento da demanda turística “ao esforzo especial de promoción realizado dende a Xunta de Galicia con motivo do ano Xacobeo”, pero tamén “ao traballo constante de difusión e de apoio ao sector que se realiza dende a Secretaría Xeral para o Turismo e ao esforzo desenvolvido por parte das empresas e os traballadores do sector”.
Arias destacou “o intenso traballo levado a cabo dende a Goberno galego para lograr que este ano Xacobeo fora un éxito, superando xa a estas alturas os 8 millóns de visitantes, todo elo, mediante a difusión de ámbito nacional e internacional, articulando un completo programa de eventos culturais e sociais, e mellorando albergues e camiños”.
Nesta liña, engadiu que “o Xacobeo é un proxecto conxunto que implica a todos os departamentos do Goberno autonómico, desenvolvendo iniciativas culturais, por suposto, pero tamén tecnolóxicas, para facer accesible a ruta a persoas con diversidade funcional, ou económicas, con axudas a empresas que desenvolven iniciativas innovadoras relacionadas co Camiño, entre outras”.
Arias referiu que a cidade de Lugo concentra gran parte dos resultados positivos do conxunto da provincia, dado que “supera os niveis de demanda turística do pasado ano en algo máis dun 12%” tanto no volume de viaxeiros como de pernoitas, mentres que a ocupación hoteleira sobe catro puntos porcentuais e se sitúa no 37,2%, sete puntos por encima da media provincial. Nos primeiros dez meses do ano visitaron a capital 138.221 persoas.
A Ribeira Sacra segue a gañar adeptos como destino turístico, mellorando os resultados do pasado ano en máis dun 17%, igual no número de viaxeiros como de pernoitas. Por outra banda, rexístrase un leve descenso no número de visitantes da Mariña con respecto ao 2009 -un 2,6%- pero increméntase a estadía media en máis de dous puntos porcentuais. En total, entre xaneiro e outubro elixiron visitar A Mariña 112.947 turistas, e optaron pola Ribeira Sacra 104.631.
Últimos meses
A delegada territorial subliñou que un dos principais signos positivos que poñen de relevo estes datos “é que avanzamos na desestacionalización do turismo”. Recoñeceu que pode tratarse “dunha conxuntura atribuíble en boa medida ao efecto do Xacobeo” pero incidiu no esforzo da Xunta para “convertelo en tendencia e garantir a rendibilidade do sector turístico durante todo o ano”.
Así, Arias indicou que os datos do mes de outubro “contribúen de xeito significativo aos resultados positivos do acumulado anual”, pois a demanda hoteleira na provincia increméntase en máis dun 20% respecto do ano pasado, dando como resultado un aumento de case cinco puntos porcentuais no nivel de ocupación, a segunda máis alta de Galicia.
En outubro visitaron Lugo 55.149 viaxeiros. A capital acolleu a preto de 18.000 turistas, mentres que a Ribeira Sacra e A Mariña recibiron 10.351 e 10.115 respectivamente. Con estes datos, as porcentaxes de incremento de visitantes con respecto a outubro do ano pasado sitúanse nun 13,6% na capital, un 19% na Ribeira Sacra e un 9% na Mariña.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
