Resultados do campeonato de bolos de centro social de A Vara en Xove

NOTA DE PRENSA

XXIIª  TIRADA DE BOLOS  – XIª SUB 18 –  IIª LIGA FEMININA

(TEMPORADA  2010/2011)

Organiza:    Concellería de Cultura do Concello de Xove

Colaboran: IES Illa de Sarón de Xove

Autoescuela Mundial Xove

INCIDENCIAS DA   15  TIRADA

(CENTRO SOCIAL DE A VARA- Sábado,  12 FEBREIRO 2011)

-Tarde bastante agradable, iso sí, con ameazas constantes de choiva. Campo mollado, en regular estado.

-40inscritos,    25 na Liga Senior,    7na Sub 18 e  8na Liga Feminina.

Liga Senior.- A victoria obtida por Ginés Rodríguez volveo a meter na pelexa polo título, e agora comparte a segunda posición con José Rafael González, ambolos dous con 90 puntos, 3 máis que Luis Rancaño, que pasa á cuarta posición. Os dous segundos postos obtidos nas dúas últimas tiradas por César Cancelos, fai que pase a ocupar a quinta posición, en detrimento de Moisés Rodríguez. Ningún destes dous últimos ten practicamente chance, inda que sí matematicamente, para poder optar ao podium final.

A dúbida que temos é si os 14 e17 puntos que lles leva aos seus perseguidores o líder Arturo Vigo serán suficientes ata o final para conseguir o seu undécimo entorchado. Quedan 39 puntos máximo por disputar (12 + 1 de mellor bolada por tirada) nas tres tiradas que restan para rematar esta temporada, e inda lles queda aos perseguidores un certo marxe para poder acceder á cabeza, pero para iso ten que fallar Arturo. Como conclusión, diremos que as tres tiradas que faltan van ser moi intensas, e Ginés, José Rafael e Luis xa non poden permitirse ningún fallo máis, a risco de quedar descolgado pola pelexa polo título

Liga Sub 18.- Excelente tirada de Salomé Cardoso, que amáis da victoria obtivo a mellor bolada. Cando xa sentía na súa nuca o alento de Aitor Bouso, consigue o máximo de puntos, deixando ao seu perseguidor a oito puntos na clasificación provisional. Non sabemos se os 8 puntos lle bastarán a Salomé para gañar ao final, pero cremos que se os administra ben si poden ser suficientes. Quedan por disputar 21 puntos (6 + 1 de bolada en cada unha das tres tiradas que restan) ata o final, e está claro que Salomé e Aitor vanse disputar as dúas primeiras prazas. Na terceira praza continúa unha semana máis Daniel López, inda que matematicamente podería acceder a calquer das dúas primeira prazas, realmente o ten moi difícil, por non decir imposible. O que si ten Daniel é asegurado un sitio no podium final, xa que o terceiro posto non hai quen llo quite.

Liga Feminina.- Cambio na clasificación. A excelente tirada de Belén Meitín e a mala da ata ese momente líder Dolores Baño, fai que intercambien as posición, accedendo por primeira vez ao liderato Belén Meitín.

Das tres ligas, esta é con diferencia a máis apretada, xa que as tres primeira clasificadas están nun auténtico pano, onde cada vez menos queda espazo para os fallos. olores Baño, líder unha gran parte do ano, está fallando moito nos seus desquites, e iso estalle a pasar factura, porque a experiencia nos día que o desquite nos bolos é fundamental para lograr boas puntuacións. Imos ter, polo tanto, unha forte competencia entre as tres primeira polos 3 postos do podium final, onde cada vez queda menos espazo para os fallos. Concepción Piñeiro e Salomé Cardoso, inda que matematicamente sí, terían xa moi difícil meterse na cabeza da clasificación.

A Vindeira tirada, e sétima   da Segunda Volta, vai ter lugar na BOLERA DO CENTRO SOCIAL DE VILACHÁ, NA PARROQUIA DE PORTOCELO  O VINDEIRO SÁBADO, 19 DE FEBREIRO DE 2011.