A capitá do buque Sea Watch 3, Carola Rackete, ven de ser prendida pola Guardia di Finanza na illa extremeira da Lampedusa, baixo unha desaquelada e inxusta acusación do Fiscal de Agrigento (Sicilia), o Luiggi Patronaggio, quen acusou dun delicto de resistencia e violencia contra nave de guerra a unha capitá que apenas cumpriu co seu deber. O Sea Watch 3 colidira levemente cun barco da devandita policía italiana cando tentaba atracar no peirao para salvar a vida dos 40 migrantes que levaba a bordo, despois de botar tres días ás portas do peirao lampedusiano agardando a licenza para achegarse á terra sen éxito. Unha licenza rexeitada pola brutaldade do Ministerio do Interior italiano, xerido polo extremodereitista Salviani.
Os sistemas xurídico-penais democráticos recoñecen o estado de necesidade como circunstancia eximente de toda responsabilidade criminal. Quen desenvolve unha conduta tipificada como delicto ficará libre de toda culpa se demostra que actuou para evitar un meirande mal propio ou alleo. É evidente que a vida de 40 persoas é un interese ben máis merecente de protección ca a simple integridade material dunha nave policial ou mesmo ca o valor dun autoritario mandado gubernamental. Nunhas circunstancias, ademáis, onde a manobra da capitá non acadaba níveis de risco obxectivo para a vida ou integridade física dos tripulantes do buque policial italiano.
A nosa Europa, a vella Italia, están a vulnerar os dereitos humanos dos migrantes e tamén os de cidadás europeas como a navegante alemá. Velaí xente como o viceprimeiro ministro Salvini ou o fiscal Patronaggio de Agrigento, quen amosa outravolta como varias Fiscalías europeas manteñen unha dependencia ou proximidade con cadanseu Goberno incompatíbeis co sistema demoliberal. Canto ao primeiro ministro italiano, o xurista Giuseppe Conte, amosa a súa grave ignorancia do Dereito italiano, europeo e internacional cando denuncia un suposto e gravísimo incumprimento da Lei pola capitá Rackete. Professore Conte, u-la presunción de inocencia? U-la non inxerencia no traballo da xudicatura por parte do seu Goberno?
A capitá Carola Rackete amosounos que ela xoga cos bós. Mentres que o proffesore inoperante-a quen chaman primeiro ministro-, o sociópata lombardo e o fiscal siciliano pertencen ao mundo dos que sementan o odio e o racismo nunha Europa que amosa estar tan cega diante deste caso como cando permite-polo de agora-que tres eurodeputados cataláns elixidos democráticamente ao abeiro das leis españolas non poidan asumir perante o Parlamento de Strasbourg, ao que pertencen por lexítimo mandado democrático.
Todas nós somos a capitá.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
