Mondoñedo, a 23 de setembro de 2019. O Concello de Mondoñedo recibiu a pasada primavera un dos premios Galicia Parabéns polo seu esforzo e compromiso co coidado da paisaxe e do patrimonio. Con cargo ao citado premio, o goberno municipal presidido por Elena Candia da agora un paso máis na eliminación do feísmo urbanístico coa demolición da vella estrutura dun edificio da avenida As San Lucas, unha das vías máis dinámicas de Mondoñedo.
Candia explica que o edificio que se vai demoler é en realidade «un esqueleto formigonado». Indica que o goberno municipal seguirá avanzando na loita contra o feísmo urbanístico en todos as súas manifestacións, de modo moi sinalado no caso das estruturas inútiles. O orzamento do proxecto a executar ascende a 69.451,04 euros. Esta obra sae agora a licitación.
O proxecto inclúe traballos de xardinaría, con plantación de especies arbustivas autóctonas. Deste xeito a imaxe da rúa mellorará moi notablemente.
Elena Candia agradece aos propietarios do edificio a actitude colaboradora que mantiveron en todo momento. Os propietarios ceden ao Concello temporalmente o uso do terreo.
O premio Galicia Parabéns está dotado con 400.000 euros. Na súa máis recente edición tamén recibiu esta distinción o Concello de Celanova.
A presidenta do goberno municipal informará aos veciños sobre as iniciativas que están en marcha e perfiladas para embelecer Mondoñedo, como no caso da avenida de As San Lucas, nunha reunión que se celebrará o próximo luns, ás 20.00 horas, no salón de plenos do Concello.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
