Lugo, 14 de febreiro de 2020. O Presidente da Deputación, José Tomé, informou este venres da aprobación na Xunta de Goberno do convenio marco que permitirá poñer en marcha o programa Lugo, Provincia Cardioprotexida, unha iniciativa a través da que a institución provincial dotará de Desfibriladores Semiautomáticos (DESA) aos 49 concellos que decidiron sumarse a este iniciativa, e que leva aparellada a formación necesaria a persoal municipal para o seu manexo.
Deste xeito, a Deputación contribuirá a mellorar a protección dos veciños e veciñas da provincia ante posibles fallos cardíacos cunha medida “que vai na liña do que recomendan as organizacións de profesionais sanitarios”, asegurou José Tomé, lembrando que esta mesma semana a Sociedade Española de Medicina de Emerxencias de Galicia abordou nun encontro a necesidade de promover a dotación de Desfibriladores Semiautomáticos nos concellos para crear municipios cardioprotexidos.
A Deputación investirá 60.000€ para a contratación conxunta do subministro de desfibriladores, un por cada concello que decidiu adherirse a este proxecto, así como da formación para o seu uso.
O Presidente asegurou que Lugo, Provincia Cardioprotexida “enmárcase dentro da aposta deste Goberno provincial polas políticas sociais, un eido ao que destinamos o 33% dos Orzamentos deste 2020 –máis de 30M€-, e tamén do noso compromiso firme coa que entendemos que é a principal función da Deputación: a cooperación cos concellos para que poidan prestar servizos públicos aos seus veciños e veciñas da mellor calidade e aforrando custes”.
Unha vez que o convenio marco foi aprobado hoxe pola Xunta de Goberno, a Deputación de Lugo firmará un acordo de colaboración con cada un dos concellos participantes. Será entón cando estes designarán ás persoas que deberán recibir a formación. Paralelamente iniciarase o procedemento para a contratación conxunta do subministro dos desfibriladores. A previsión é que este programa de protección da saúde pública estea en funcionamento antes de que remate o ano.
A atención inmediata, vital
Os expertos en cardioloxía aseguran que, en situación de parada cardiorespiratoria, cada minuto que pasa sen atención diminúe nun 10% a probabilidade de supervivencia. Ao cabo de dez minutos, as posibilidades son mínimas, polo que a reanimación debe comezar de forma inmediata ou o máis rápido posible. Por iso, dixo Tomé, “é tan importante contar con equipos desfibriladores nas instalacións e espazos públicos para reducir ao mínimo posible o tempo de reposta ante unha parada respiratoria. Estamos falando da diferencia entre a vida ou graves secuelas, ou mesmo a morte”.
Serán os propios concellos os que decidan onde colocan os desfibriladores, que poderán situar en calquera instalación de titularidade municipal onde sexa útil, como por exemplo, nos consistorios, pavillóns deportivos, centros sociais ou casas da cultura. Os concellos ocuparanse da instalación do equipamento e deberán adscribir o persoal necesario para o seu manexo, así como asumir os gastos de mantemento.
Os municipios que optaron por sumarse a Lugo, Provincia Cardioprotexida representan preto do 72% dos de toda a provincia. Son: Abadín, Antas de Ulla, Barreiros, Becerreá, Begonte, Bóveda, Castro de Rei, Castroverde, Cervantes, Chantada, O Corgo, O Courel, A Fonsagrada, Guitiriz, Guntín, O Incio, Láncara, Lourenzá, Meira, Mondoñedo, Monforte de Lemos, Monterroso, Navia de Suarna, Negueira de Muñiz, Ourol, Outeiro de Rei, Palas, Pantón, Paradela, A Pastoriza, Pedrafita do Cebreiro, A Proba de Brollón, Pol, A Pontenova, Portomarín, Quiroga, Rábade, Ribadeo, Riotorto, Samos, Sarria, Sober, Taboada, Trabada, Triacastela, O Valadouro, O Vicedo, Viveiro e Xermade.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
