BARREIROS .- (FNC)O alcalde de Barreiros, Alfonso Fuente, procede hoxe a visitar de novo as zonas e os lugares máis afectados polo temporal desta fin de semana. O rexedor asegura que “os danos que sofriu o pavillón polideportivo foron taxados nuns 3.000 euros e se segue a chover estará pechado ata que se realicen as obras pertinentes. Na gardería houbo danos importantes no pasillo… onte avisamos ós pais para que si podían arreglar sen mandar ós seus nenos non o fixesen aínda que algúns sí que se viron na obriga de acudir ó centro hoxe onde están a ser perfectamente atendidos polas coidadoras, pero mañá e ó mellor o mércores a gardería estará pechada para acometer as obras de amaño que ascenderán a uns 6.000 euros. Desde a empresa dixéronme que é posible que os traballos rematen mañá”.
Fuente Parga sinala que “seguen sen luz en Vilar onde caeron uns postes do tendido eléctrico e rompéronse os cables e tamén en San Bartolo están sen luz. Alí hai varios xeneradores municipais tentando dar enerxía a esas casas e a algún negocio que hai na zona para que funcionen os conxeladores 2 ou 3 horas e manteñan o frío e así non se perda a mercancía. E en canto ó abastecemento de auga foise restablecendo desde onte ás 9 da mañá aínda que nalgúns puntos… nos máis alexados dos depósitos non se recuperou ata ben entrada a tarde”
ÚLTIMA HORA
- Villaverde aborda co sector a modificación do decreto de artes e a nova orde para regular a comercialización dos excedentes marisqueiros
- Muras celebrará o 28 de setembro unha nova edición da Feira do Poldro
- Viveiro vibrou con Adrián Ben na final do Mundial de atletismo
- A Aula Universitaria da UNED en Foz inicia o curso académico cun programa de xornadas informativas
- A deputada de Cultura, Iria Castro, e o deputado de Rural, Mar e Mocidade, Daniel García, asistiron este luns en Mondoñedo á inauguración da rúa Andrea López Chao en homenaxe á mestra mindoniense, pioneira na loita polo dereito das mulleres á educación e á saúde na emigración galega en Cuba
A descuberta da praca culminou unha nutrida axenda de actos de recoñecemento e divulgación do legado de Andrea López Chao que se desenvolveu nos últimos catro anos, da man dun grupo de traballo coordinado por Luis Ansedes. Tras a inauguración, na que particiou a bisneta da homenaxeada, Patricis Ares, estreouse no Auditorio Municipal o documental "Andrea López Chao. O poder de educar" da realizadora hispano cubana Violeta Ramos Valdés. Iria Castro parabenizou "as persoas que participaron no recoñecemento e divulgación da figura de Andrea López Chao, ampliando o coñecemento do seu legado e documentándoo e proxectándoo para as xeracións futuras" - A obra teatral Zozobra chega a Vilalba a través do programa “Escena Camino Norte” e a área de Cultura
"Zozobra" en palabras do propio autor, Maxi Rodríguez, é unha 'labazada de teatro que axita conciencias'. A cita é este domingo 21 de Setembro ás 20:00h. no Auditorio Municipal con entrada de balde - Mariña Gueimunde, alcaldesa de Viveiro, asistiu este domingo á ofrenda á Virxe dos Remedios en Mondoñedo, un dos actos relixiosos e culturais máis relevantes da Mariña e da provincia
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños». - Ás cinco da tarde deste sábado saía das inmediacións do Parque de San Francisco a XI Media Maratón Ribadeo-As Catedrais na que se inscribiron máis dun milleiro de corredoras e corredores
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa. - O delegado territorial da Xunta en Lugo, Javier Arias, asistiu á III Festa dos Ovos Rotos con Chourizo e Feira de Artesanía, que se celebrou este sábado en Ribeiras de Lea (Castro de Rei)
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca". - A conselleira do Medio Rural, María José Gómez, acompañada pola directora xeral da Axencia Galega de Desenvolvemento Rural, Paz Rodríguez, reuniuse este sábado co alcalde da Fonsagrada, Carlos López, para abordar algunhas cuestións de interese para este municipio
Na xuntanza, que tivo lugar no Departamento Territorial da Xunta en Lugo, avaliouse a posibilidade de establecer vías de colaboración para mellorar as infraestruturas rurais da localidade. A maiores, estudouse a situación dos instrumentos de mobilización da terra agraria que se desenvolveron na localidade e afondouse na mellora da súa xestión forestal. - A Deputada de Economía, Recadación, Facenda e Especial de Contas, Carmela López, participou este venres xunto ao Alcalde do Concello de Xermade, Roberto García, na XX Festa das Persoas Maiores, que se celebrou ao longo de toda a xornada neste municipio da Terra Chá
O evento comezou cunha misa na igrexa parroquial e unha actuación musical a cargo do grupo de gaitas Axóuxere de Roupar. A continuación, tivo lugar o tradicional xantar no pavillón municipal e o recoñecemento ao home e á muller de maior idade. Carmela López subliñou que “máis dun terzo do noso orzamento vai para políticas sociais: para que o Servizo de Axuda do Fogar chegue a quen o precise; para que a Teleasistencia funcione 24 horas ao día, porque a tranquilidade das familias tamén é importante; e para ofrecer residencias públicas no rural, garantindo que ninguén teña que marchar da súa terra para recibir os coidados que merece”.
2021 Crónica 3 A Mariña - Implementado por GaliciaDigital