BURELA (FNC). A Axencia de Desenvolvemento Local e Novas Tecnoloxías de Burela está a entregar os 18 primeiros sintonizadores de TDT ás persoas en risco de exclusión social que os solicitaron a través do Concello e con cargo ás axudas dispostas para este fin polo goberno estatal.
O edil de Industria, Comercio e Turismo, José González Legazpi, explicou que “se está a facer entrega dos primeiros sintonizadores de TDT en Burela de acordo co programa promovido pola Secretaría Xeral de Estado de Telecomunicacións para os colectivos en risco de exclusión. Nós consideramos que está tendo unha importante acollida aquí en Burela e incluso se está dando información a persoas que se achegan a interesarse por esta iniciativa desde concellos próximos ao noso, a uns se lles deron os datos precisos e a outros se lles tramitaron as solicitudes correspondentes”.
O edil nacionalista engadiu que “se están a entregar os 18 primeiros sintonizadores de TDT, hai máis solicitudes que están chegando e se lles está a dar tramitación, co que nos vindeiros días continuaremos realizando máis entregas. Hai que lembrar que é un programa interesante para ese tipo de persoas e de colectivos, o prazo segue aberto ata o 3 de abril e desde a Axencia de Desenvolvemento Local de Burela seguimos facendo as xestións oportunas para que este proxecto permita que máis persoas poidan contar con máis sintonizadores da televisión dixital terrestre, que é importante para a captación da sinal de televisión nos vindeiros meses e nos vindeiros tempos”.
As axudas que puxo en marcha o goberno estatal van destinadas ás persoas que reúnan ao menos un dos seguintes requisitos: ter 65 anos ou máis cunha dependencia recoñecida de nivel II ou III; atoparse nun grado de discapacidade do 33 % ou superior, constando como unha das súas discapacidades algunha de tipo auditivo ou visual; ter máis de 80 anos e vivir só ou soa, ou ben acompañado/a doutra persoa tamén maior de 80 anos e non ser beneficiario deste plan a través de asociacións ou comunidades autónomas.
Os interesados en solicitar estas axudas poden facelo ata o 3 de abril deste ano, e de non ser posible desprazarse pode facelo outra persoa na súa representación aportando a documentación requerida. As persoas que se atopen interesadas en coñecer estas medidas poden informarse na propia Axencia de Desenvolvemento Local e Novas Tecnoloxías de Burela de forma persoal ou chamando aos teléfonos 982 58 10 93 ou 982 58 06 35 , e tamén no Concello igual de forma persoal ou chamando ao 982 58 60 00.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
A alcaldesa, Dolores García Caramés, e o concelleiro Adrián Arias non quixeron perderse a cita e foron os encargados de facer entrega dos premios ás persoas gañadoras, felicitando a todos os participantes polo seu esforzo e polo gran nivel demostrado durante a competición. Desde o Concello de Cervo expresaron o agradecemento á Asociación Cabaleiros da Bidueira polo excelente traballo de organización, así como a todas as persoas colaboradoras, participantes e público asistente que fixeron posible o éxito desta terceira edición.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que foron os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
