Nota de prensa:
DOTADOS CON 500.000 € OS PROGRAMAS FORMATIVOS, IMPARTIDOS POR ENTIDADES SEN ÁNIMO DE LUCRO, PARA INMIGRANTES E RETORNADOS
* A convocatoria, que se realiza por vez primeira deste xeito (cunha listaxe de cursos xa pechada), prima o criterio do compromiso de contratación de alumnas e alumnos
Santiago, 12 de xaneiro de 2011.- O Diario Oficial de Galicia (DOG) publica na súa edición deste mércores as bases reguladoras das axudas –en réxime de concorrencia competitiva- a entidades sen ánimo de lucro para desenvolver accións de formación laboral que contribúan a incrementar a participación de inmigrantes e retornados no mercado do traballo en Galicia.
Trátase da primeira vez que a Comunidade Autónoma convoca este tipo de axudas cunha listaxe pechada de cursos, xa que ata o de agora se viñan subvencionando accións concretas en función do seu interese particular, pero sen un criterio único prefixado, e con duracións e obxectivos dispares. Cómpre salientar neste senso que á listaxe definitiva publicada hoxe no DOG chegouse tras unha serie de consultas realizadas pola Secretaría Xeral de Emigración coas entidades públicas e de iniciativa social que traballan no eido da integración laboral e social dos migrantes.
Os fondos cos que conta a iniciativa da Xunta se fixan inicialmente en medio millón de euros, dos que o oitenta por cento están cofinanciados polo Fondo Social Europeo, a través do Programa Operativo FSE Galicia 2007-2013, e concretamente polo eixo 2 de “Fomento da empregabilidade, da inclusión social e da igualdade entre homes e mulleres”.
O contrato, principal factor
O procedemento de concesión das axudas e subvencións realizarase en réxime de concorrencia competitiva, respectando os principios de publicidade, transparencia, obxectividade, igualdade e non discriminación. O prazo de presentación das solicitudes rematará o 12 de febreiro, e o de resolución fíxase en tres meses.
A convocatoria estipula asemade as condicións previas das organizacións que opten ás axudas, así como a acreditación dos gastos realizados, e a documentación necesaria para avalalas. Entre os criterios de baremación destaca de maneira especial o compromiso de contratación posterior de alumnas e alumnos, que computa de xeito moi relevante.
As accións formativas para as que se convocan axudas son ben variadas, abranguendo cursos para albanelería, arranxo de roupa, atención a enfermos de alzheimer, asistencia domiciliaria, de auxiliar agropecuario/a, e de granxa porcina, axudante de peiteado, camareiro/a, cociñeiro/a, ebanista, electricista, empastador/a de barcos, escaiolista, fontaneiro/a, limpador/a, manexo de elevadoras, manicura, macánico/a, panadeiro/a, pintor/a e azulexista, de plantación e poda, planchador/a, recepcionista, reposteiro/a, de tala forestal, de uso de motoserra, xardineiro, e un curso para formación acelerada para a obtención do CAP na súa modalidade de viaxeiros e/ou mercadorías. As accións formativas subvencionables han ter un mínimo de 15 alumnas/os por curso, coa única excepción da última das citadas.
Por toda Galicia
Canto ás contías por acción, estas abranguen un abano desde os 4.080 € do curso de manexo de carretas elevadoras, ou os 4.200 do de planchador/a, ata os 9.780 dos de cociñeiro/a, unha cantidade similar para o de empastador de barcos, ou os 12.000 do curso acelerado do CAP. A listaxe completa, así como o resto dos datos descritos, pode consultarse on line no Diario Oficial de Galicia.
As accións desenvolveranse en localidades de toda Galicia. Así, terán lugar nos municipios de Tordoia, Ferrol, Santiago, Ribeira, Abegondo, Rois, Cerceda, Ames, Arteixo, Culleredo, Ordes, Carballo, As Pontes, Betanzos, e A Coruña, na provincia homónima; en Lugo, Burela, Monforte, e Vilalba, na circunscrición lucense; en Ourense, Pereiro de Aguiar, Xinzo de Limia, O Carballiño, O Barco, Ribadavia, e Verín, na provincia ourensá; e, finalmente, en Vigo, Lalín, Sanxenxo, O Grove, Vilanova, O Porriño, Redondela, Cambados, Poio, e Pontevedra, na provincia homónima.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
