Nota de prensa:
Beatriz Vázquez, Baldomero Iglesias e Lara Méndez impugnaron xudicialmente o cambio de titularidade dunha licenza de taxi co único obxectivo de prexudicar ao seu anterior titular que agora traballa con Jose Manuel Balseiro
A XUSTIZA REXEITA O RECURSO INTERPOSTO POLO PSOE DE CERVO E PON LÍMITE Á PERSECUCIÓN POLÍTICA EMPRENDIDA POLOS SOCIALISTAS
* O PSOE DEBE PAGAR OS GASTOS OCASIONADOS: O Goberno municipal espera que o PSOE asuma os gastos da defensa xudicial do Concello, que doutro xeito terán que pagar todos os cervenses, pois o recurso dos socialistas non tiña ningún fundamento e, tal e como acredita o Xulgado, carece de toda razón.
Cervo, 12 de xaneiro de 2011.- O Xulgado do Contencioso Administrativo número 2 de Lugo vén de dar a razón ao Goberno municipal e desestima así o recurso interposto polo PSOE de Cervo en relación co cambio de titularidade dunha licenza de taxi en San Ciprián. De calquera xeito, a relevancia da decisión xudicial é moito maior –tal e como explican desde o Executivo cervense- xa que a Xustiza vén de poñer límite á persecución política e ao permanente intento de xudicialización da vida municipal emprendidas polos socialistas.
A pesar de ser plenamente conscientes da improcedencia do recurso xudicial iniciado, xa que a normativa reguladora sectorial establece taxativamente que a titularidade das licenzas de taxi con máis de 20 anos de antigüidade poden transmitirse por unha soa vez sen restricción algunha, Beatriz Vázquez, Baldomeiro Iglesias, Jose Ramón González Basanta e Lara Méndez –os edis do PSOE- decidiron iniciar un proceso xudicial contra o Concello de Cervo sen importarlle que esto implique ter que asumir uns gastos obrigados de defensa xudicial que agora deben pagar todos os cervenses.
O Executivo municipal espera e empraza aos edis do PSOE a facerse cargo persoalmente destes gastos de defensa xudicial, para que non teñan que soportalos as arcas municipais. Insiste en que os veciños non teñen por que asumir o pago do capricho socialista e moito menos os gastos que orixina o seu permanente intento de xudicializar a xestión municipal, sen que a Xustiza lles dea a razón.
Con todo cómpre lembrar que o fondo da cuestión era moito máis reprobable aínda, pois o PSOE manobraba para castigar politicamente ao anterior titular da licenza de taxi que agora traballa para o secretario da Mesa do Parlamento de Galicia, Jose Manuel Balseiro. Unha persecución política que pretendía facer ver un suposto trato de favor que agora a Xustiza non so non aprecia –porque era absolutamente falso- senón que incluso deixa claro que o procedemento respectou en todo momento o establecido na normativa vixente.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
