Entroido Participativo en Burela
No presente curso académico pretendo finalizar a diplomatura na universidade de Santiago e obter o título de educador social. Umha das matérias que me resultou mais atractiva é a denominada “Practicum III”, precisamente porque nos obriga a fazer trabalho de campo durante vários meses. É umha maneira de ver se estamos preparados para principiar a desenvolver a vida laboral.
Apetecia-me fazer esse trabalho formativo em Burela. Comentei-lho ao professor, que aceitou a minha proposta, e outro tanto ocorreu no Concelho de Burela, onde me apresentei à concelheira de Cultura e às pessoas responsáveis dos serviços sociais na entidade municipal. Comentei a possibilidade de trabalhar sobre o Entroido, o que foi bem recebido, e elaborei um projecto de festa participativa, sempre com a orientaçom do tutor universitário e do pessoal do concelho.
Sinto-me satisfeito de que algumhas das propostas fossem tidas em conta à hora de organizar a festa deste ano. Moi especialmente a referente ao concurso para o desenho do cartaz oficial do Entroido e à votaçom popular que se está levando a cabo para escolher umha das propostas.
Em primeiro lugar, quero transmitir os meu mais sinceros agradecimentos a todas as pessoas que desenharom propostas de cartaz. Em total temos 33 candidatos, cujas obras se podem ver na Casa da Cultura durante estes dias. Agradeço também o apoio de todas as pessoas que estám a passar estes dias pola Casa da Cultura para dar-lhe o voto ao seu cartaz preferido. Devemos salientar neste sentido que a imensa maioria das e dos votantes som gente nova da vila, o que me resulta gratificante.
Em segundo lugar, e de jeito especial, agradeço o apoio e a participaçom na actividade de entidades como a “Asociación de Axuda ao Enfermo Mental da Mariña”, a associaçom “Camiña” ou o centro “San Anibal” sem os quais seria impossível que este projecto ficasse completo, fosse inclusivo e tam diverso. Nom esqueço a colaboraçom do pessoal da Casa da Cultura, da Biblioteca Municipal, da Casa da Juventude, dos colégios e institutos de Burela, da Cruz Vermelha e -sobre todo- das companheiras e companheiros trabalhadores do Concelho de Burela que sempre me apoiárom.
Aproveito esta oportunidade para estender o convite a passar pola Casa da Cultura e votar polo cartaz preferido. A exposiçom e a urna para depositar o voto estám ubicados na Casa da Cultura de Burela e a mostra ainda estará aberta até a Segunda-feira (luns), 14 de Fevereiro. O horário etabelecido é de 11 a 13 horas e de 18 a 20 horas.
Bruno Faustino Durán
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
