Nota de prensa:
ADEGA, APDR e a Federación de ANPAS de Lugo piden á Xunta que substitúa o “wifi” por cabo no Proxecto Abalar
EscolasenwifiCompostela, 8 de febreiro de 2012. Representantes das ANPAS de Lugo e dos colectivos APDR e ADEGA vímonos de reunir co subdirector xeral de sistemas informáticos da Consellaría de Educación, Carlos Vázquez, para trasladarlle a proposta de substituir o acceso a internet vía “wifi” por cabo nas aulas do proxecto Abalar. A exposición continuada das persoas á radiación electromagnética, particularmente dos nenos e nenas en idade escolar através dos móbiles e do sistema “wifi”, pode causar graves danos á saúde como recoñece a Axencia Internacional de Investigación do Cancro (IARC), dependente da Organización Mundial da Saúde. O propio Consello de Europa recomendou en maio de 2011 tomar medidas urxentes para reducir a exposición a este tipo de radiacións. Temos a oportunidade de, mediante uns pequenos cambios, facermos unhas aulas máis saudábeis para as nosas crianzas. Non é esta unha obriga de toda administración pública?
Unha das medidas recomendadas é o emprego de sistemas máis eficientes e seguros nas escolas como o cable no canto de Wifi, por seren os nenos e as nenas un sector da poboación dos máis sensibles a este tipo de radiacións. Pola contra, o único sistema de acceso a Internet que a Xunta propón no proxecto Abalar para os centros de ensino é o sistema Wifi, pese a que isto supón un alto risco para a saúde dos nenos e nenas e vai en contra das recomendacións da Asemblea Parlamentaria do Consello de Europa.
O proxecto Abalar ten como obxectivo a integración plena das TIC na práctica educativa en Galiza, o que é imprescindíbel para o bo desenvolvemento dos rapaces na sociedade actual e futura. Por iso, dende ADEGA, a APDR e as ANPAS de Lugo, concordando cos obxectivos de Abalar, cremos que sería posíbel modificar o sistema de acceso á rede nas aulas para, ademais de garantir un ensino de calidade, non poñer en risco a saúde dos cativos.
As tres organizacións instamos á Xunta a tomar medidas que xa levaron a cabo outras administracións de países como Franza, Inglaterra, Alemaña, Austria, Suíza, Canadá e Estados Unidos, onde se prohibe o emprego de “wifi” nas escolas ou se rempraza por cable. O Estado español tampouco é alleo a estas demandas: son moitas as organizacións que, através da campaña “Escola sen Wifi” da Plataforma Estatal contra a Contaminación Electromagnética, están a avogar pola retirada do sistema “wifi” das escolas e a instalación da rede por cabo.
Tamén solicitamos á administración que mentres non se substitúa o dispositivo “wifi” por cableado nas escolas, ínstese aos centros de ensino a apagar os emisores cando os rapaces e rapazas non precisen internet.
Dende ADEGA, a APDR e a Federación de ANPAS de Lugo consideramos que estas medidas non supoñen custos engadidos na instalación de internet nos colexios; pola contra, a instalación da rede polo sistema de cableado pode resultar máis barata que o sistema “wifi”, proporcionando ademais unha maior eficacia do servizo. Tamén o feito de manter apagado o dispositivo “wifi” mentres os alumnos e alunas non o utilicen, como medida de precaución e provisional até que non se produza a substitución por cabos, contribuirá a reducir o consumo enerxético dos centros educativos e, portanto, o gasto de recursos e fondos públicos.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
