PRESENTACIÓN PROXECTO LI&LA
DINAMIZACIÓN DA DIÁSPORA CABOVERDIANA EN ESPAÑA
O vindeiro domingo, 29 de abril, a partir das 17 horas, realizarase no local da comunidade caboverdiana de Burela, na Rua do Río, un encontro con Eloisa Cardoso, da Organização de Mulheres de Cabo Verde. Esta actividade fai parte do Proxecto LI&LA, que se está a desenvolver en catro comunidades caboverdianas no estado español (Burela, Zaragoza, Madrid e Bembibre) e tres illas do arquipélago caboverdiano (Santiago, Santo Antão e São Nicolau).
O obxectivo xeral deste proxecto é promover lazos de comunicación e información directa entre as comunidades históricas da diáspora caboverdiana en España e as suas máis importantes zonas de orixe, contribuíndo á súa dinamización.
LI&LA, que significa acó&aló, foi promovido pola asociación para a Cooperación con Cabo Verde –ACCVE, e financiado con 83.000 € polo organismo africano CEDEAO, con fondos NEPAD procedentes de España. Nel participan cinco asociacións caboverdianas das localidades españolas citadas (entre elas, ACCVE, Asociación Cultural TABANKA e Asociación Cultural, Recreativa e Desportiva RABENTOLA, de Burela), tres entidades municipais caboverdianas, as duas maiores organizacións de mulleres do país africano e o organismo gubernamental encarregado da emigración.
Esta intervención promoverá actividades nos seguintes campos:
– Comunicación a través das novas tecnoloxías: abertura de puntos de acceso a internet, intercomunicados, en catro localidades de ambos países; creación dunha web e formación en novas tecnoloxías.
– Promoción de encontros entre áreas de orixe e destino, por unha banda, a través de visitas programadas de representantes municipais, organizacións de mulleres e institucións gobernamentais de Cabo Verde a España; e pola outra, cunha visita grupal de representantes das asociaciónns caboverdianas á terra de orixe.
– Promoción da incorporación das mulleres familiares dos/as emigrantes caboverdianos ás organizacións que promoven a igualdade de xénero e empoderamento das mulleres en Cabo Verde.
– Construción dunha rede de traballo e apoio mutuo entre as asociacións caboverdianas do estado español, cuxo punto de partida será un encontro das organizacións en Bembibre, para realizar un levantamento das problemáticas, necesidades e potencialidades destes colectivos, e iniciar un proceso de organización común, que implique ás institucións caboverdianas e españolas
Remitido
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
