A DIRECTIVA DO REAL CLUB NÁUTICO DE RIBADEO TRABALLA NO ACTO DE CELEBRACIÓN E RECOÑECEMENTO DO TÍTULO QUE ACABA DE RECIBIR A ENTIDADE. SERÁ POSIBLEMENTE EN AGOSTO COINCIDINDO COA SEMANA NÁUTICA. MARIO COTO CONSIDERA QUE ESTA CONCESIÓN LLE DA RENOMBRE TAMÉN Á VILA.
Ribadeo, 30 de abril de 2012. A directiva do Real Club Náutico de Ribadeo prepara para o verán o acto de celebración e de recoñecemento do título que lle ven de conceder S.M. el Rey Juan Carlos. Será posiblemente durante a Semana Náutica en agosto, segundo asegurou hoxe o presidente do RCNR, Mario Coto.
Coto contou que tras recibir o título de Real “a primeira comunicación foi para directiva do Club Náutico de Ribadeo o pasado venres, e agora tocarálles á Xunta de Galicia, á Deputación de Lugo, ao Concello de Ribadeo… darémoslles conta desta concesión e agradecerémoslle a cada un o traballo realizado neste sentido”.
O presidente do Real Club Náutico de Ribadeo sinalou que “agora xa estamos a traballar na data na que se desenvolverá no verán o acto de recoñecemento tras a concesión deste título. Será posiblemente durante a Semana Náutica. Faremos as invitacións pertinentes a todas as institucións e á Casa Real. Estamos vendo o que imos facer para que sexa un día de festa. En breve imos facer unha asamblea ordinaria, porque xa toca, pero tamén para contarlles aos socios esta boa nova. Convocaremos a asamblea unha vez que pechemos a data desa celebración do verán”.
Mario Coto subliñou que “estamos moi orgullosos e cheos de felicidade por este título. E quixera lembrarlles a algúns socios do CNR que debemos pensar moito nos nosos comportamentos, porque xa non somos catro amigos no club, somos unha entidade con este relevante título, e pídolles que sexamos todos moi respectuosos coa entidade. Esto ven engrandecer ao club, o CNR ten estabilidade e peso específico e pode chegar a calquera lugar, todos temos que ir con tranquilidade e con paciencia, así se consiguen moitas cousas”.
Coto lembrou que “o traballo para conseguir este título comezou a mediados do ano pasado, iniciáronse os contactos, mandamos a documentación pertinente revisada por técnicos e por profesionais do CNR. Despois de todo ese traxecto veñen os logros e os frutos”. O presidente do Real Club Náutico de Ribadeo pensa que “fomos pulcros e comedidos neste tema porque había moitos clubes e moita xente interesada en obter este recoñemento. Apoiunos moita xente, houbo informes que se pediron desde a Casa Real ás Federacións Española e Galega de Vela, ao Delegado do Goberno, etc, etc… Foi moito o traballo feito e por fin chegou este título. Nós facemos todo o que facemos para lograr que cada vez mellore máis o CNR, somos unha entidade con renombre. Os anteriores presidentes e xuntas directivas levaron adiante os seus proxectos, nós estamos facendo os nosos. Temos moitos proxectos por diante, que non vou contar agora porque non é o momento, o mellor é contar as cousas cando son unha realidade”.
Mario Coto considera moi importante este título tanto para o Club Náutico de Ribadeo como para o convello, “o club mellora con este título e isto dalle máis renombre a Ribadeo. Hai moi poucos en Galicia e na provincia de Lugo somos os primeiros. Esto recoñece o traballo que realizamos ao longo dos últimos anos e o presidente, en nome de directiva do Real Club Náutico de Ribadeo, estalles moi agradecido a todas as institucións e entidades que colaboraron para que esto sexa unha realidade”.
Remitido
———————
RAQUEL ARIAS REITERA O COMPROMISO DA XUNTA CO REAL CLUB NÁUTICO DE RIBADEO PARA “TRABALLAR XUNTOS POLA DINAMIZACIÓN TURÍSTICA E ECONÓMICA” DA VILA
O presidente da entidade, Mario Coto, visitou á delegada territorial para repasar proxectos en común e agradecer “a colaboración xeral da Xunta e, en particular, nas xestións para acadar o título de Real”
Lugo, 30 de abril de 2012.- A delegada territorial da Xunta, Raquel Arias, mantivo un encontro co presidente do Real Club Náutico de Ribadeo, Mario Coto, a quen en primeiro lugar felicitou pola recente concesión do título por parte da Casa Real.
Durante a entrevista, na que tamén participou do xefe de Coordinación da Área Cultural da delegación territorial, José Carlos Rodríguez Andina, Arias aplaudiu o labor que ven desenvolvendo esta entidade ribadense e reiterou o compromiso da Xunta a seguir colaborando “tanto no que se refire á mellora de infraestruturas como á organización de actividades”.
Arias recoñeceu a “importante dimensión” do clube, que suma 700 amarres de embarcacións e preto de 1.000 socios, “sendo un dos principais de Galicia”. A súa experiencia “resulta dun valor inestimable á hora de traballar xuntos pola dinamización turística e económica de Ribadeo”, afirmou.
Coto quixo agradecer “a colaboración prestada pola Xunta a nivel xeral, e en particular en todas as xestións realizadas para acadar o título de Real”, á vez que confiou en seguir “traballando xuntos en cuestións como a presentación en sociedade desta concesión, que esperamos poder celebrar no verán”.
O Club Náutico de Ribadeo é o primeiro da provincia que consegue o título de Real, e o sexto de Galicia. A súa traxectoria ven avalada pola participación en numerosos eventos, moitos dos cales contaron tamén coa cooperación da Xunta de Galicia.
Sen dúbida a cita coa Regata Transgascogne 6,50, que fixo parada na localidade o pasado verán, constituíu unha das máis relevantes oportunidades para a cooperación e serviu para promocionar a costa lucense, que durante uns días foi punto de referencia a través dun evento de relevancia mundial.
Remitido
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
