PLATAFORMA AFECTADOS PREFERENTES E SUBORDINADAS DA MARIÑA
Despois dos plenos celebrados nos concellos de Lourenzá, Ourol, Xove, O Vicedo e A Pontenova a plataforma de afectados queremos comunicar que a nosa moción foi aprobada por unanimidade de toda a corporación e cumprindo así co solicitado e reclamado polos afectados da plataforma, soamente nos concellos de Xove e A Pontenova.
Agradecemos tamén que nestes dous concellos respectasen a iniciativa da plataforma e sobre todo o texto feito e elaborado por nós sen ser modificado nin emendado como era o desexo da plataforma, e tamén que esta moción fose presentada como proposta de alcaldía e no noso nome,non no de ningún partido político como así o expresamos dende un primeiro momento que era a nosa intención.
Queremos destacar que no concello de Ourol nin tan sequera a levaron a pleno, dende a plataforma intentamos falar co rexedor para coñecer os motivos desa decisión, pero foinos imposible poder contactar con él nin co tenente de alcalde despois de intentalo varias veces sen éxito.
No concello do Vicedo tampouco foi levada a pleno, falamos co rexedor e a explicación que nos deu foi, que como saíra ese pacto PP/PSOE para darlle unha solución ao problema, que cría que a nosa moción xa non era necesaria, comunicámoslle que ese pacto non era a solución a o problema e que co tempo se demostraría que estábamos no certo, comentado isto, quedou en levala no seguinte pleno sempre e cando non se solucionase o problema co famoso acordo destas últimas semanas levado a cabo polo PP e o PSOE en Madrid.
Por outro banda, no concello de Lourenzá a nosa moción foi aprobada por tres votos dos partidos da oposición (2 votos PSOE, 1 voto BNG), o Partido Popular abstívose por non estar de acordo en algúns puntos, un deles por exemplo no que pedimos que se derrogue o decreto no cal se aplica a quita, a verdade e que e que nos consta entender que non estivesen de acordo nese punto, xa que existe unha moción do Partido Popular na que piden nun dos puntos o seguinte:
“2º.- Instar ao FROB, ao Banco de España, ao Ministerio de Economía e á Comisión Europea a que os tenedores de Participacións Preferentes e Obrigas Subordinadas de NCG Banco non teñan que sufrir quitas, e de ter que soportar quitas, que sexa na menor contía posible e que os canxes poidan ser obxecto da súa realización líquida inmediata.”
Como se entende que pidan que non se aplique a quita e non queiran que se derrogue o decreto que a regula e obriga a aplicala? Dende logo que nos parece totalmente incoherente.
A falta de celebrarse os plenos nos concellos de Trabada e Barreiros, dende a plataforma facemos unha valoración positiva desta iniciativa, de dezaseis concellos que compoñen a comarca da Mariña, a nosa moción foi aprobada por unanimidade de toda a corporación en 10 destes concellos (Xove, Viveiro, Cervo, Ribadeo, Burela, Foz, A Pontenova, Alfoz, O Valadouro e Riotorto) , aprobada soamente pola oposición en un (Lourenzá), non foi presentada en dous (Ourol e O Vicedo) e nun (Burela) non foi tratada como nós pedíamos.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
