4 alumnos do IES Vilar Ponte de Viveiro campións provinciais do D3Mobile co que colabora o Goberno da Deputación

Lugo 20-10-17. A Deputada de Cultura, Deseño e Artesanía, Pilar García Porto, participou este venres no Salón de Actos da Escola Politécnica Superior de Lugo, na entrega de premios do D3Mobile Metrology World. Fíxoo xunto á Alcaldesa de Lugo, Lara Méndez López; ao Vicerreitor de Coordinación do Campus de Lugo, Javier Bueno Lema; ao Director do Servizo Regional, Pablo Carballo; e á Coordinadora do grupo CIGEO-USC e ao Director do proxecto, Mariluz Gil e Juan Ortiz. O D3Mobile Metrology World é o Campionato Internacional de Modelado 3D que organiza a Universidade de Santiago de Compostela, que conta coa colaboración do Executivo Provincial. Neste quinta edición do certame tecnolóxico, dirixido aos alumnos de secundaria, presentáronse proxectos educativos de distintos puntos do mundo, como Turquía, Grecia, México ou Colombia, entre outros moitos países. Os gañadores da provincia de Lugo foron os 4 alumnos do IES Vilar Ponte de Viveiro: Vladimir Scmidt, Pablo López, Adrián Carballido e David Carballido, dirixidos pola profesora Ana Belén Lamas Lombao.