A edil de Medio Ambiente, Noelia Mª Ben, e as monitoras do Centro de Educación Medioambiental Gaia acudiron a varios centros de ensino e asociacións, e estiveron a plantar árbores: “a celebración consistiu na plantación de diferentes árbores e durante catro días os alumnos dos CEIPs, e os usuarios de Eu Son e A Mariña, estiveron participando nun xogo que baixo o nome Que árbore é? intentamos que os rapaces aprenderan máis sobre as árbores”. A concelleira burelesa subliñou que “non debemos esquecer que esta é unha data para recordar a importancia de protexer as superficies arboradas. As árbores aportan moitos beneficios, transforman o dióxido de carbono en biomasa, minimizan os riscos de inundacións, evitan a erosión… son moi importantes para o noso entorno natural e tamén para nós”.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
