Viveiro a 16 de agosto de 2018. Dos tres médicos que pasan consulta na quenda de tarde no Centro de Saúde só un traballou o mércores 14 de agosto, nunha poboación que ademais medra coa chegada de veraneantes, denuncia a CIG.
O SERGAS NON CUBRE AS AUSENCIAS DO PERSOAL.
Unha médica atópase de excedencia (sen substituír), outro médico de vacacións (non se substituíu) quedando o centro cunha soa médica, unha práctica que o SERGAS nega pero que é desmentida pola realidade do día a día e as denuncias de pacientes nos distintos centros de saúde da Mariña.
Dende a central nacionalista lembran tamén que na quenda da mañá hai dous médicos que levan sen cubrir durante todo o verán, unha médica que marchou por un nomeamento político e un médico que se xubilou.
TRES HORAS DE AGARDA PARA COMUNICARLLES QUE NON TERÍAN ASISTENCIA.
“A persoas xa estaban citadas xa que o SERGAS comprometerase a cubrir un segundo médico, mais chegaron as seis da tarde e foilles comunicado que tiñan que marchar para as súas casas xa que finalmente non ían mandar ningún substituto, quedando sen asistencia sanitaria”, afirman dende a central nacionalista.
QUEIXAS OFICIAIS POR ESCRITO.
As numerosas persoas que tiñan cita para esa tarde do mércores 14 de agosto amosaron a súa indignación, e rexistraron oficialmente follas de reclamacións contra o que consideran un novo ataque á sanidade pública da Mariña que contribúe aínda máis a desmantelar a Atención Primaria.
GRAVE PERDA DE CALIDADE ASISTENCIAL
“A amortización de prazas nos Centros de Saúde, a falla de cobertura das ausencias dos profesionais, a contratación en precario por días e incluso por horas provoca unha sobrecarga de traballo que repercute nunha grave perda da calidade asistencial”, lembran dende a central nacionalista.
Para CIG-Saúde é fundamental recuperación dos postos de traballo suprimidos nos últimos anos para garantir a calidade asistencial, a estabilidade laboral e acabando coa precariedade que presenta o sistema.
DESMANTELAMENTO INTENCIONADO DA SANIDADE
Segundo CIG-Saúde, este é o modelo que o goberno de Feijóo e demais gobernantes do PP promoven e impulsan a través dos seus xestores da EOXI de Lugo-Cervo-Monforte e que está a provocar o desmantelamento intencionado da atención sanitaria. É o modelo da destrución de emprego, o modelo do deterioro progresivo da Atención Primaria, asfixiando os seus profesionais co interese de trasladar á cidadanía a percepción dunha sanidade precaria e insostible, e deste xeito, ir desmantelando pouco a pouco.
Para CIG Saúde A Mariña é fundamental rescatar a sanidade pública galega e dignificar a Atención Primaria para garantir un servizo básico de calidade e proximidade fronte os gobernos do PP que pretenden convertela nun privilexio.
“Rexeitamos as prácticas irresponsábeis e temerarias coas que a xerencia da estrutura de xestión integrada de Lugo tratan a poboación de Viveiro en concreto e da Mariña en xeral e exiximos a cobertura de todas as ausencias para garantir unha calidade asistencial digna”, afirman.
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
