Ribadeo, 8 de marzo de 2019. En Ribadeo procédese estes días, por parte da empresa adxudicataria, á colocación de novas placas nas rúas e prazas da zona nova da vila. O alcalde, Fernando Suárez, explica que así como se colocaron placas de Sargadelos no casco vello hai uns meses, agora estanse a renovar as placas noutras 30 rúas e prazas da zona nova, que nalgúns casos levan textos realizados polo cronista oficial de Ribadeo, Eduardo Gutiérrez.
O rexedor manifestou que “desde o Concello queremos informar que nestes días estamos realizando un cambio nas placas das avenidas e das rúas do casco novo de Ribadeo, dado que hai máis ou menos dous anos fixemos un cambio nas placas do casco vello. Agora para unificar a sinalización, tal e como xa está no casco histórico, queremos facer o mesmo”.
Fernando Suárez dixo: “seguimos tomando como referencia Sargadelos. Parécenos moi importante ao Concello de Ribadeo utilizar a imaxe que ten desde hai moitísimos anos Sargadelos, de cara ao mundo, e queremos tamén que se identifique con Ribadeo, dado que son moi fortes os vencellos que Sargadelos e o seu fundador tivo con Ribadeo”.
O alcalde declarou que “coma sempre, desde Sargadelos fixeron estes deseños adecuados, inspirándose en emblemas de fundicións do propio Sargadelos, que aínda figuran en moitas balaustradas e en moitos edificios da vila, como pode ser o propio Concello de Ribadeo”.
Suárez Barcia quixo “avisar á xente para que non se sorprenda se ve nestes días que a empresa adxudicataria está colocando as placas por diferentes rúas e avenidas da vila”.
As avenidas e rúas nas que estes días o Concello de Ribadeo está a actuar son: rúa Camilo Barcia Trelles, rúa da Lodeira, Meniñas da Saudade, Grupo de Pescadores Justo Barreiro, avenida de Galicia, rúa José Vicente Pérez Martínez, avenida de Asturias, rúa Ramón González, Vilalba, Daniel Cortezón, Pintor Fierros, Alfredo Deaño, avenida de Luarca, rúa Reinante, San Francisco, Irmáns Moreno Ulloa, rúa da Alza, Luz Pozo Garza, Julio Lazúrtegui, Carlos III, avenida Rafael Fernández Cardoso, rúa Sor Pilar de León, Picarolas, Deputación, rúa dos Galos, da Casa do Pobo, avenida dos Irmáns Pérez Prieto e rúa Irmáns Suárez Couto.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
