OPP Lugo presenta as primeiras evaluacións de estratexias para xestión de tiburóns

Burela 8-3-19. A Organización de Producores Pesqueiros de Lugo presentou esta semana á súa flota de palangre de superficie as primeiras evaluacións de posibles estratexias de xestión futuras para a pesca de tiburóns, en especial para a tintorera e o marraxo dientuso.
Estas conclusións forman parte da tese do Máster de Xestión Pesqueira Internacional que está realizando Thaya Mirinda Dinkel, alumna da Universidade de Alicante, en colaboración coa OPP Lugo a través da Confederación Española de Pesca CEPESCA.
Para este estudio de alternativas futuras de co-xestión da pesca de tiburóns contouse coa colaboración dos armadores de palangre superficie da OPP-07 para recopilar, tanto de forma individual como conxunta, as principais características destas pesquerías a través dos seus coñecementos pesqueiros.
O obxectivo das prácticas é analizar alternativas de mellora na xestión de tiburóns no Atlántico, sobre todo a tintorera (principal especie en quilos) e do marraxo dientuso (en fase de estudio por organismos internacionais da reevaluación do seu stock), analizando, desde unha perspectiva de coñecementos da pesca tradicional, distintos modelos de xestión (cuotas, esforzo), así como posibles medidas técnicas aplicables ás pesquerías (anzós, zonas de pesca, tallas mínimas), que poidan servir, sobre todo, para a zona do Atlántico Norte, que é onde opera a maioría da flota da OPP-07.
O programa de traballo incluiu reunións cos armadores, patróns de pesca, técnicos e expertos na materia, expertos da Comisión Internacional para a Conservación do Atún Atlántico (ICCAT), científicos do Instituto Español de Oceanografía (IEO) e representantes da Administración Pesqueira. Prevese que o traballo finalice durante os meses de maio e xuño.