Lugo, 11 de outubro de 2021. A Consellería de Emprego e Igualdade destinará 1,4 millóns de euros a financiar 38 cursos na Mariña para mellorar as oportunidades laborais de 570 persoas desempregadas.
Así o anunciou o delegado territorial da Xunta, Javier Arias, quen explicou que veñen de ser aprobadas as axudas da convocatoria do Plan galego de formación para o período 2021-2022. O Goberno galego deseñou unha oferta acorde coas demandas do tecido empresarial de Galicia e adaptada ao novo contexto xerado pola covid-19.
Na Mariña, os encargados de impartir estas accións formativas serán catro concellos (Cervo, Xove, O Valadouro e Burela) e catro academias. Entre as especialidades incluídas destacan cursos de socorrismo, xestión de recursos humanos, actividades auxiliares de agricultura, competencias clave, competencias dixitais, operacións de sistemas informáticos, mercadotecnia e compravenda internacional, actividades de tempo libre educativo infantil e xuvenil, comercio, atención sociosanitaria, servizos de bar e cafetería e ensinanzas relacionadas con instalacións solares térmicas e fotovoltaicas, redes eléctricas ou fontanería e calefacción, entre outras.
No conxunto da provincia de Lugo, a Xunta destina 7,3 millóns de euros a financiar 174 cursos para mellorar as oportunidades laborais de 2.610 persoas desempregadas. Así, ademais dos anteriores, na área de Lugo prográmanse 85; na Terra Chá 30; en Terra de Lemos 13; na comarca de Sarria cinco; nos Ancares dous e en Meira un.
Os cursos poderán impartirse na modalidade presencial, de teleformación ou mixta. Van dirixidos prioritariamente a persoas desempregadas, aínda que se admitirá a participación de ata un 30% de persoas traballadores ocupadas, sempre e cando non se cubran as prazas ofertadas para desempregados. Unha vez finalizados, darán acceso a un certificado de profesionalidade con validez en todo o Estado.
Os alumnos e alumnas poden acceder a estes cursos a través das oficinas de emprego de Galicia ou da páxina web emprego.xunta.gal. Deste xeito, os interesados teñen a posibilidade de elixir o curso, independentemente do lugar de residencia. As entidades adxudicatarias dos cursos poderán seleccionar directamente ao alumnado, e priorizarán na participación nos correspondentes procesos selectivos ás persoas desempregadas que exerzan o seu dereito de elección de centro a través do portal de emprego da Consellería de Emprego e Igualdade ou na rede de oficinas do Servizo Público de Emprego de Galicia.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
