Burela, 9 de outubro, 2021. As Guerreiras Laranxas resolveron a cuarta xornada de liga cunha vitoria contudente ante Penya Esplugues (1-7), encamiñando á perfección na primeira parte, con 4 das 7 dianas.
Ale de Paz estreou o luminoso antes de cumprirse o segundo minuto de xogo, aínda que foran as locais as primeiras en avisar, con Pilar. Peque e Dany ampliaron a renda antes do ecuador. Raquel aplicouse baixo paus para frear a insistencia laranxa, pero nada puido facer ante o gol da xornada, cunha picada da capitá burelista, nunha perfecta combinación con Dany. Aínda restaban case tres minutos para o descanso e Cilene tivo tempo de avisar con moito perigo.
O conxunto galego non deixou respirar as catalás. Regresou Emilly cun gran caneo; tras o man a man de Cami e Raquel, Peque a punto estivo de ver o quinto. Tamén fixeron méritos Bea Mateos e Dany. As mellores de Penya chegaron no 31, con Aina Torrents rozando o pau. Quixeron frear as laranxas as intencións das locais, co quinto de Dany no minuto 35, pero o conxunto catalán tirou de coraxe para anotar segundos despois o gol da honra, con Celia Catá. Completaron a renda Cilene, de penalti no 38, Peque a tan só 30 segundos para a bucina final.
Ficha técnica
AE Penya Esplugues: Raquel, Martita, Aitana, Pilar, Marta, cinco inicial; tamén xogaron Anita, Celia, Belén, Ruth, Lara, Cecilia
Pescados Rubén Burela FS: Sandra Buzón, Peque, Cami, Ale de Paz, Emilly, cinco inicial; tamén xogaron M. Cortés, Elenita, Bea Mateos, Dany, Cilene, Lara Balseiro, Jozi Oliveira
Goles: 0-1, minuto 2, Ale de Paz, 0-2, minuto 7, Peque; 0-3, minuto 9, Dany; 0-4, minuto 18, Peque; 0-5, minuto 35, Dany; 1-5, minuto 38, Cilene (penalti); 1-7, minuto 40, Peque.
Árbitros: Alberto Centeno Bono // Jordi Centeno Bono. Por Penya vermella para Belén (minuto 38).
Incidencias: Partido correspondente á xornada 4 de Primeira RFEF Feminina disputado en Les Moreres.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
