Mondoñedo, a 3 de xaneiro de 2022. O Concello de Mondoñedo, sempre atento á promoción dos valores patrimoniais do municipio e das iniciativas dos emprendedores, deu un paso máis neste camiño e chegou a un acordo coa marca SomosOcéano. O obxectivo do acordo é que elementos do patrimonio material, inmaterial e gastronómico do municipio estean representados na súa colección de calcetíns. A idea xorde de emprendedores locais: Álex Teijeiro (Calenda) xunto coa marca SomosOcéano. Dende o Concello destacan a xuventude e creatividade dos emprendedores galegos.
Os calcetíns estarán á venda dende mañá na Oficina de Turismo, a 10 euros, despois de que o Concello aprobara unha taxa, ao amparo da ordenanza que regula a venda de produtos de merchandising.
Dende o goberno local explican que o Concello aproveita cada ocasión que se lle presenta para tentar posicionarse como administración colaboradora; busca colaboracións con iniciativas con talento e innovación, para abrirse oco como territorio dinámico, ilusionante e novo. Neste caso, suman esforzos e sinerxías para promocionarse aproveitando tendencias de moda.
SomosOcéano naceu en 2016, baixo a premisa de ofrecer moda atlántica e sabor do norte en prendas atemporais e sostibles. Materialízase nunha colección de camisetas, suadoiros e calcetíns deseñados en Galicia (entre Vigo e Tui) confeccionados en algodón e algodón orgánico.
Os calcetíns de SomosOcéano están confeccionados en algodón peiteado, que son as fibras máis longas, suaves e resistentes do algodón. Non teñen costura na punta, polo que son moi cómodos; parece que están feitos dunha soa peza. Fabrícanse en máquinas de 200 agullas, o que permite que os debuxos teñan moita definición e un alto grao de detalle.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
