Ribadeo, 23 de maio, 2022. O atleta ribadense Brais Díaz Salas, que milita nas filas do Club Atletismo Narón, participou na xornada deste domingo no Campionato Galego Sub18 de atletismo ó aire libre, celebrado nas pistas do Centro de Tecnificación deportiva de Pontevedra.
Brais participou nas disciplinas de lanzamentos de xavelina e peso, acadando uns excelentes resultados, unha medalla de prata e outra de bronce.
A primeira hora da mañá competía en xavelina, onde subiu ó segundo caixón do podium colgándose a medalla de prata. Os seus respectivos lanzamentos foron de X-37,17-X-33,42-40,74-X m. o que o levaría asimesmo a establecer a súa mellor marca persoal na disciplina.
Este concurso foi gañado polo atleta Daniel Loureiro da Atlética a Silva, completando o podium como medalla de bronce, Alfonso Labella do CA Millaraio.
Xa avanzada a tarde, tocaba o lanzamento de peso, onde Brais rendiu a bo nivel acadando a medalla de bronce. Os seus lanzamentos foron 12,32-12,56-X-X-12,28-X, achegándose moito á sua mellor marca persoal.
O podium completárono Fernando Vallines do Maderas Barcia Lourenzá, como medalla de ouro, e Jesús González da Atlética Val Miñor.
Con este campionato e no que vai de tempada, Brais acumula a nivel individual 1 medalla de prata e 2 de bronce a nivel galego, sendo atleta de primeiro ano e só superado por atletas máis veteráns.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
