Os populares comprobaron a execución das obras que “por fin deron comezo” tanto nesta rotonda coma en parte do paseo do Cantiño
Burela, 25 de maio de 2022. O Grupo Municipal Popular de Burela está a cumprir coa súa función de control ao goberno local. Así, algúns dos seus concelleiros quixeron comprobar in situ as obras que se están a executar na vila.
O voceiro, Manuel Rouco, sinala que “por fin deron comezo” as obras na rotonda de acceso ao porto; pero engade que “é unha mágoa que non estea rematado o seu acondicionamento antes do comezo das festas” e isto débese “á falta de dilixencia do goberno do sr. Llano e do concelleiro de obras Ramiro Fernández Rey”.
O popular explica que “nesta rotonda non vai figurar un símbolo da nosa vila: o faro de Burela”. Lembra o portavoz dos populares, Manuel Rouco, que “tanto PSOE coma BNG se opuxeron á reciclaxe de parte do molde do mesmo -concretamente, da parte superior- para ser utilizado nesta rotonda e co que darlles a benvida aos nosos visitantes”.
En relación ás obras de acondicionamento de parte do paseo do Cantiño, Rouco lembra que “dende o Grupo Municipal Popular levamos reclamando estas actuacións en varias ocasións dende o comezo deste mandato”.
Queixas dos veciños do Cantiño
Os populares apuntan que “numerosos veciños da zona seguen a trasladarnos as súas queixas” ante “a falta de iluminación na zona das mesas” e tamén debido a que, “na época de verán, o Concello non permite a colocación de máis contedores do lixo”. Isto dificulta a recollida do exceso de residuos que na época estival se xeran na zona pola presenza de máis usuarios e que “xera cheiros indesexados”.
Os veciños tamén trasladaron as súas queixas ao Grupo Municipal do PP porque “a pesar das súas reiteradas peticións, o Concello segue a negarse a poñer un contedor para o aceite usado na zona e, polo tanto, impide o adecuado tratamento do mesmo por parte dos veciños do Cantiño”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
