Ribadeo, 20 de setembro, 2022. O restaurante O Oviedo participará na próxima edición de Galicia Fórum Gastronómico, o principal evento do sector gastronómico en Galicia, que terá lugar na Coruña os próximos días 25, 26 e 27 de setembro.
O Oviedo súmase, deste xeito, á representación lucense no evento, na que acompañará, no ámbito gastronómico, a María Varela (A Parada dás Bestas, Palas de Rei) e Héctor López (Restaurante España, Lugo).
A cociñeira deste clásico ribadense, Mar Orosa, participará na sesión Cociñeiras do Camiño, que terá lugar o domingo 25 e na que exporá o seu traballo, así como a colaboración que desde o restaurante levan a cabo con produtores da zona para poñer en valor o produto de calidade de Ribadeo e da Mariña.
Mar Orosa volverá a ExpoCoruña na tarde do martes, neste caso como representante do colectivo Cociñeiros Lugo, para intervir no encontro de colectivos de cociña de Galicia, no que participarán tamén membros de Grupo Nove, Cociña Ourense, Coruña Cociña e Vigo Gastronómico.
Deste xeito, O Oviedo convértese no único representante da restauración da Mariña en formar parte do programa oficial deste evento bianual, o que supón un reto para o equipo, pero tamén unha oportunidade para mostrar o seu traballo e dar visibilidade a produtos, produtores e proxectos da zona que están a converter a Ribadeo nun foco gastronómico cun enorme potencial para os próximos anos.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
