A Fundación Expomar participa na “Feira Expomar de Cabo Verde” dentro do stand da Consellería do Mar da Xunta de Galicia para afianzar lazos comerciais
Burela, 1 de outubro, 2022. A “Feira Expomar de Cabo Verde” está tendo lugar en Porto de Mindelo, nas instalacións de Enapor, na illa de São Vicente en Cabo Verde, entre o 29 de setembro e o 1 de outubro. A novena edición da ‘Feira das Actividades Económicas Ligadas ao Mar’ conta con 50 stands de expositores internacionais onde se celebrarán diferentes encontros de negocios.
A Fundación Expomar está presente dentro da misión comercial da Consellería do Mar da Xunta de Galicia, que participa cun expositor de 36 metros cadrados que acolle tamén a outras oito entidades galegas relacionadas coa área marítimo-pesqueira, co obxectivo de afianzar lazos comerciais no ámbito pesqueiro.
O xerente da Fundación Expomar, José M. González ‘Brais’, aproveita esta estancia en Cabo Verde para promocionar a próxima edición da feira monográfica náutico-pesqueira Expomar, que se celebrará no porto de Burela do 10 ao 13 de maio de 2023.
Esta visita tamén serve para reforzar aínda máis os contactos que a entidade de Burela ten coa delegación caboverdiana desde hai anos, reuníndose con diferentes autoridades locais, como Gil Costa, secretario xeral da Cámara de Comercio do Norte de Cabo Verde; Angélica Fortes, administradora delegada da Feira Internacional de Cabo Verde – Fic; ou Jorge Santos, ministro das Comunidades de Cabo Verde.
A delegación caboverdiana xa confirmou a súa presenza na vindeira edición da Feira Expomar 2023 en Burela, na que tamén intentará estar presente Mauricio Castro, presidente da Cámara de Comercio de Barlovento, que no ano 2020 xa visitara Burela e que enviou saúdos para o presidente da Fundación Expomar e alcalde de Burela, Alfredo Llano.
Durante estas xornadas o xerente da Fundación Expomar tamén visitou a Conferencia Internacional de Turismo Náutico na Macoronesia, acompañando a Marta Villaverde, subdirectora xeral de mercados de pesca da Consellería do Mar, e Odile Lueiro, xefa de servizo de promoción de comercio exterior da Cámara de Comercio A Coruña. Asimesmo xunto con Marta Villaverde tamén visitou a fábrica de palangres que a empresa galega “A Poutada” ten en Mindelo.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
