A Mariña, 19 de outubro de 2023. A Mariña en Ruta seguirá os días 28 e 29 de outubro por Cervo e pola Pontenova. A viaxe ao pasado pola fraga da Becerreira en Trabada, prevista para o 21 de outubro, queda posposta para o 5 de novembro por mor dos lumes acontecidos a pasada ponte festiva.
A Mariña en Ruta é un proxecto que está promovido pola Mancomunidade de Concellos coa colaboración da Xunta de Galicia e da Deputación de Lugo. Ata finais de novembro están programadas 16 actividades, unha por cada concello que conforma o xeodestino e onde a artesanía da comarca ten un papel destacado.
O pasado xoves, 12 de outubro, Sofía López guiou un percorrido por San Miguel de Reinante: comercio, indianos e fidalgos (Barreiros). O 14 de outubro con Boris Vilar os asistentes coñeceron de preto Riotorto, a terra dos ferreiros. E o 15 de outubro Carmen Delia Díaz (La Guiateca) e o artesán Daniel Caxigueiro achegaron aos participantes aos Segredos e Lendas de Foz.
A presidenta da Mancomunidade de Concellos da Mariña, Rocío López, explica que “por mor dos incendios que sufrimos hai uns días na comarca, logo de falar co Concello de Trabada, acordamos pospoñer a ruta por este municipio prevista para este vindeiro sábado, 21 de outubro, para o 5 de novembro”.
E engade que “para a ruta que Noela Feal guiará o 28 de outubro, a través de San Cibrao e o seu mar, quedan media ducia de prazas. E xa están cubertas todas as do 29 para a ruta dos Fornos e Mina Consuelo na Pontenova, con Tirolina das Minas e o ferreiro artesán Rodil. Esta edición do programa de visitas e rutas guiadas pola Mariña Lucense, está a resultar un éxito de acollida, xa que todas as prazas ofertadas se están a completar”.
Programación de novembro
Mércores 1 – De Morás a Portocelo, os cantís esculpidos polo mar (Xove). Con Boris Vidal.
Sábado 4 – Patrimonio natural e artístico en Lourenzá. Con Carmen Delia (La Guiateca)
Domingo 5 – Mondoñedo e o seu legado. Con Ana Pena (Guía tu día)
Domingo – 5 Trabada, viaxe ao pasado pola Fraga da Becerreira. Con Boris Vidal.
Sábado 11 – Alfoz, fortaleza entre a serra e o mar. Con Ana Pena (Guía tu día)
Sábado 18 – Obradoiro de cerámica con Regal en Viveiro.
Domingo 19 – Patrimonio indiano e natural de Ourol. Con Noela Feal.
Sábado 25 – Obradoiro de coiro con Raíces Nómadas en Ribadeo.
Domingo 26 – Xeoruta do Perdouro en Burela. Con Fran Canosa.
As actividades terán unha duración de 2 a 4 horas e poderán participar un máximo de 25 persoas mais o guía en cada un. O prezo xeral será de 5 euros para individual; 8 euros para parella; e 12 euros para familias ou grupos de ata 5 membros. A información sobre a rutas e as reservas de prazas realizarase de forma automática a través da web de Turismo de A Mariña Lucense https://amarinalucense.gal/es/a-marina-en-ruta
Agradeceu á Agrupación Hijos de Galicia e ao Ayuntamiento a súa acollida e puxo en valor o papel da emigración como embaixadora da vila. Rouco convidou a descubrir Vilalba e a súa identidade cultural e gastronómica, destacando produtos como o Queixo San Simón da Costa ou o Capón de Vilalba. Durante toda a fin de semana, a vila contará cun espazo propio na Praza do Kasko para promocionar os seus atractivos turísticos e reforzar a súa proxección fóra de Galicia.
Ao acto acudiron, entre outros, o patrón maior da Confraría de Pescadores de Ribadeo, Javier Martínez, a concelleira de Turismo, Marta Saiz, a deputada autonómica Cristina Sanz, a presidenta e o xerente de Acisa, Carmen Cruzado e Jesús Pérez, así como directivos do RCNR. Ademais a bandeira oficial de Ribadeo xa loce no peirao.
Resultou gañador na categoría A, destinada a participantes de até 14 anos, Daniel Franco Fernández. Na categoría B, para maiores de 14 anos, a obra seleccionada foi a presentada por Maite Fernández Cendoya.
O Parque María Cristina da Caridá volverá encherse de oficios, sabores, música e tradición esta fin de semana, días 4 e 5 de xullo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
