Foz, 21 de novembro de 2023. O alcalde de Foz, Fran Cajoto, pídelle ao deputado do Partido Popular Xosé Manuel Balseiro que “se deixe de comedias” e que contacte con el para despexarlle calquera dúbida sobre a nova depuradora de Foz. “Así poderá contar con dúas versións, a da conselleira e a do alcalde, que estarán a anos luz. Non é preciso ningunha pregunta parlamentaria, podémoslle despexar calquera dúbida que teña incluso por teléfono”, manifesta Fran Cajoto.
O alcalde recorda os antecedentes: “o convenio asinado con Augas de Galicia para a construción da nova depuradora é do 31 de agosto do ano 2016. Nese convenio establecíase o inicio das obras para o ano 2017 e a finalización para o ano 2020. Isto é: levamos un retraso de case 7 anos. Agora preocúpase da posible perda dos fondos europeos, despois de sete anos. A realidade é que Augas de Galicia iniciou os trámites para a ocupación dos terreos de Dominio Público Marítimo Terrestre en maio deste ano 2023 e aprobou o proxecto construtivo este mes de outubro, hai escasamente un mes. Resulta incrible que o señor deputado sexa capaz de botarlle a culpa do retraso a Costas: gustarame escoitar o que di a conselleira”.
Cajoto engade: “sete anos de atraso de Augas de Galicia que non son o único caso no Concello con este ente, xa que os trámites para legalizar a captación de Cordido e ampliar a do Ouro teñen un retraso de case cinco anos. E as captacións están ben lonxe da costa”.
O rexedor municipal focego lembra que “a conselleira Ethel Vázquez deu a súa palabra na última visita de que as obras da depuradora comezarían en decembro do ano 2022; está na hemeroteca. Agora mesmo a propia Augas de Galicia está a sancionar ao Concello por verquidos á ría cando retrasaron as obras que solucionarían o problema. As obras na depuradora poden comezar mañá mesmo: o Concello puxo a disposición os viais municipais e os terreos expropiados. Pídolle ao señor Balseiro seriedade para un tema tan importante para Foz como a depuradora aínda que se acheguen as elección autonómicas”.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
