Burela, 16 de decembro, 2023. Burela celebrou este venres 15 de decembro o seu primeiro “Día do Orgullo Mariñeiro”, organizado pola Fundación Expomar e que combinou a divulgación nas escolas, a exaltación da cultura mariñeira e a gastronomía do mar para chegar a tódolos públicos.
Coa primeira actividade da xornada, “Orgullo Mariñeiro nas Escolas”, a Fundación Expomar repartiu nos comedores escolares de 8 colexios públicos da Mariña Lucense, máis de 700 racións de “Merluza de Burela” nos seus menús do día. O conselleiro do Mar da Xunta de Galicia, Alfonso Villares, participou na xornada visitando aos alumnos dos colexios CEIP Península da Paz de San Cibrao e CEIP Plurilingüe Vista Alegre de Burela.
Os centros educativos que recibiron pescada da lonxa de Burela nos seus comedores a través das súas empresas habituais de cáterin, Eurest e Twitty, foron o CEIP Plurilingüe Virxe do Carme e CEIP Plurilingüe Vista Alegre de Burela; o CEIP Plurilingüe de Foz Número 1; o CEIP Península da Paz de San Cibrao; a Escola de Educación Infantil San Roque, o CEIP Lois Tobío e o IES María Sarmiento de Viveiro; e o CEIP Antía Cal Vázquez de Muras.
A segunda parte da xornada, “Orgullo Mariñeiro no Escenario”, celebrouse no auditorio da Casa da Cultura de Burela desde as 6 da tarde, coa proxección da película documental “Escamas, Sangue!”, producida e dirixida por Adrián Canoura e Breixo Llano en 2014 polo 20 aniversario da “Guerra do Bonito”. O acto presentouno o xerente da Fundacaión, José M. González ‘Brais’, e a continuación tivo lugar unha charla coloquio na que tamén participaron Jaime Aguado, capitán marítimo de Burela, e Basilio Otero, patrón maior da confraría de Burela e presidente da Federación Nacional de Confrarías de Pescadores.
A continuación actuou a Coral Polifónica de Burela e interviñeron a presidenta da Fundación Expomar e alcaldesa de Burela, Carmela López, e o director xeral de Pesca da Xunta de Galicia, Antonio Basanta, que clausuraron a xornada cultural. Ambos recordaron como viviron aqueles días documentados na película e tamén aplaudiron a iniciativa da Fundación Expomar de marcar una data no calendario para celebrar o “Día do Orgullo Mariñeiro” non só de Burela, senón de todas as vilas e comunidades que viven directamente ligadas ao mar.
O “Día do Orgullo” rematou con unha festa popular de “Peixe de Burela” na carpa do Nadal de Burela, instalada na praza da Mariña, que acolleu o último bloque da xornada, “Orgullo Mariñeiro no Prato”, no que se degustaron gratuitamente receitas elaboradas con diferentes especies da lonxa de Burela: “Empanada de Congrio” e “Caldeirada de Raia”, poñendo así en valor a variedade de especies que se subastan na lonxa e o seu aproveitamento gastronómico.
Esta acción está organizada pola Fundación Expomar coa colaboración do Concello de Burela, e cofinanciada pola Xunta de Galicia e o Fondo Europeo Marítimo, de Pesca e de Acuicultura (FEMPA).
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
